Toela

in Wikipedia, die vrye ensiklopedie
Spring na: navigasie, soek
Vir ’n artikel oor die oblast met dieselfde naam, sien Toela-oblast.

Toela
Тула
Tulsky kreml.jpg

Kaart Wapen
Location Tula.png
Coat of Arms of Tula.png
Vlag
Flag of Tula.png
 Land Vlag van Rusland Rusland
 Federale distrik Sentraal-Rusland
 Oblast Toela-oblast
 Koördinate 54°12′N 37°37′O
 Stigting (eerste verwysing) 1146
 Stadstatus 1146
 Oppervlakte:  
 - Totaal 145,2 vk km
 Hoogte bo seevlak 170 m
 Bevolking:  
 - Totaal (2010) 501 129
 - Bevolkingsdigtheid 3 541/vk km
 Tydsone UTC +4
 Klimaat  
 - Tipe Kontinentaal-gematig
 - Gemiddelde jaarlikse temperatuur 5,2 °C[1]
 - Gem. temp. Januarie/Julie -9,3 / 18,4 °C
 - Gemiddelde jaarlikse neerslae 601 mm
 Burgemeester Jewgeni Awilof
 Amptelike Webwerf http://www.tula.ru

Toela (Russies: Ту́ла) is die hoofstad van die Toela-oblast in die Russiese federale distrik Sentraal-Rusland. Die stad, wat sowat 200 kilometer suid van Moskou geleë is, was eeue lank een van die belangrikste vestingstede in die Russiese Ryk.

Die eerste geskiedkundige verwysing na Toela dateer van 1146 - die stad is dus een jaar ouer as Moskou. Sy naam is afgelei van die klein rivier Toelitsa wat in die stadsgebied met die groter Oepa saamvloei.

Toela word nie amptelik by die Goue Ring van Rusland, 'n aantal histories belangrike nedersettings rondom die hoofstad, gereken nie. Maar dit het nogtans lankal in een van die gewildste toeristebestemmings in die land ontwikkel. Die stad is onder meer bekend vir sy vroeë 16de-eeuse kremlin (fort), samowars (tradisionele Russiese teeketels) en heuningkoeke (Russies: prjaniki).

Die afgelope 300 jaar word die naam Toela ook met wapenfabrieke verbind. Die nyweraarsgesin Demidof, invloedryke oligarge in die tyd van tsaar Pieter die Grote, het groot ystergieterye in Toela laat oprig wat die historiese voorlopers van 'n hele reeks wapenfabrieke sou word en die Russiese leër van gewere en kanonne voorsien het.

Verwysings[wysig]