Tokio Hotel

in Wikipedia, die vrye ensiklopedie
Spring na: navigasie, soek
Tokio Hotel
Bill kaulitz.jpg
Tokio Hotel tydens 'n optrede in 2006.
Oorsprong Maagdenburg (Duitsland)
Genre(s) Pop-rock
Aktiewe jare 2001 – hede
Lede Bill Kaulitz
Tom Kaulitz
Georg Listing
Gustav Schäfer
Portal.svg Musiekportaal

Tokio Hotel is 'n musiekgroep wat in 2001 in Maagdenburg (Duitsland) gestig is. Hul naam was voorheen Devilish. Die identiese tweeling Bill en Tom Kaulitz, wat die groep begin het, het al reeds op die ouderdom van sewe begin liedjies skryf en al begin droom daarvan om eendag die musiekindustrie binne te tree. Op twaalf het die broers hul eerste treë na roem gegee toe hulle Gustav Schäfer en Georg Listing ontmoet en Devilish gestig het. Hulle het by klein geleenthede in Duitsland begin optree. Bill vertel van die groep se vroeë sukses: "Dit het baie vinnig gebeur – ons het op partytjies en troues gespeel."

Begin van Tokio Hotel[wysig]

Bill het in 2003 aan 'n kindertalentkompetisie deelgeneem. Al het hy in die kwarteindrondte uitgeval, het die musiekman Peter Hoffman sy talent raakgesien. Peter het die groep gehelp om kontrakte met Sony BMG en Universal Music Group te sluit. Dit was tóé dat hulle hul naam na Tokio Hotel verander het. Tokio in Japan is hul gunsteling-stad en hulle het "Hotel" bygevoeg omdat hulle gedurig rondreis en in hotelle oorslaap. In 2005 het die tweeling op die ouderdom van vyftien met hul eerste enkelsnit, 'n liedjie met die naam Durch den Monsun (Afrikaans: Deur die Monsoen), in Duitsland bekendheid verwerf. "Dit was dadelik nommer een op die trefferlyste en toe het alles verander. Skielik was ons op groot verhoë, al het ons min ondervinding gehad. Ons moes aan verskillende situasies gewoond raak," getuig Tom.

Diskografie[wysig]

Tokio Hotel se Duitse albums – Schrei in 2005 en Zimmer 483 in 2007 – is net in Duitsland uitgereik en het daar op die trefferlyste geboer. Hul eerste Engelse album, Scream, is in Junie 2007 uitgereik en 3,5 miljoen CD's is al daarvan verkoop. Hul treffer Monsoon, die Engelse weergawe van hul eerste enkelspeler, is hierop ingesluit. Die video vir hierdie liedjie is vroeg in Mei in Kaapstad verfilm. In die video vryval die ouens uit 'n helikopter bo die see. Die tweede enkelsnit op die album is Ready, Set, Go, 'n liedjie wat meer na die poprockgenre neig.

Bronne[wysig]