Trafalgar-klas duikboot

in Wikipedia, die vrye ensiklopedie
Jump to navigation Jump to search
HMS Tireless in 2012

Die Trafalgar-klas duikboot is 'n klas kernaangedrewe duikbote van die Britse Vloot wat missiele dra. Die klas bestaan uit sewe duibote: Trafalgar, Turbulent, Tireless, Torbay, Trenchant, Talent en Triumph. Gesamentlik was hulle bekend as die T-bote. Die Trafalgar-klas het die Swiftsure-klas vervang. Hierdie klas was die mees gevorderdste klas in die Britse Vloot totdat die Asture-klas verskyn het. Die T-bote se ontwerp is ses jaar na die van die Swiftsure-klas voltooi en die duikbote is oor 'n tien jaar periode vanaf 1983 afgelewer.

Die aflewering van die duikbote het met groot trompetgeskal geskied, die verbeteringe is beklemtoon. Dit sluit 'n verbeterde kernreaktor in asook die Tipe 2020 sonar. Tog was die uitleg van die duikboot aan die binnekant net soos dié van die Swiftsure en hulle was net 2.5 m langer. Daar was wel 'n groot klem geplaas om die duikboot stiller te maak. Die sewe blad skroef is vervang met pomp-straal aandrywing.

Tog was daar probleme met die klas wat groot publisiteit aan die duikbote besorg het vir die verkeerde redes. Die eerste duikboot was HMS Tireless wat 'n lek ontwikkel het in een sy verkoeling pompe in die reaktor. Die boot moes noodgedwonge sy vaart om die wêreld kortknip en het Gibraltar mank-mank bereik. Ander duikbote het ook tegniese probleme ondervind, sommige dieselfde as die van Tireless waarna die fout as die The Tireless Fault bekend gestaan het.

In die vroeë 2000's is sommige van die duikbote opgradeer sodat hulle tot minstens 2010 in diens kan bly.

Duikbote in die klas[wysig | wysig bron]

Die klas is baseer by HMNB Devonport, in die stad Plymouth, Engeland.

Naam Duikboot Wimpelnommer Duikbootbouer Kiel gelê Te water gelaat In diens gestel Status
HMS Trafalgar 1 S107 Vickers Shipbuilding and Engineering, Barrow-in-Furness 25 April 1979 [1] 1 Julie 1981 [1] 27 Mei 1983 [1] Uit diens gestel op 4 Desember 2009[2]
HMS Turbulent 2 S87 8 Mei 1980 [1] 1 Desember 1982 [1] 28 April 1984 [1] Uit diens gestel op 14 Julie 2012
HMS Tireless 3 S88 6 Junie 1981 [1] 17 Maart 1984 [1] 5 Oktober 1985 [1] Uit diens gestel op 9 Junie 2014[3]
HMS Torbay 4 S90 3 Desember 1982 [1] 8 Maart 1985 [1] 7 Februarie 1987 [1] Uit diens gestel op 14 Julie 2017[4]
HMS Trenchant 5 S91 28 Oktober 1985 [1] 3 November 1986 [1] 14 Januarie 1989 [1] In aktiewe diens [5]
HMS Talent 6 S92 13 Mei 1986 [1] 15 April 1988 [1] 12 Mei 1990 [1] In aktiewe diens[6]
HMS Triumph 7 S93 2 Februarie 1987 [1] 16 Februarie 1991 [1] 12 Oktober 1991 [1] In aktiewe diens[6]

Tegniese besonderhede[wysig | wysig bron]

Besonderhede van die Travalgar-klas duikboot:
Item Statistiek
Verplasing (oppervlak) 4 650 metrieke ton
Verplasing (onderwater) 5 200 metrieke ton
Lengte 85,4 m
Breedte 9,8 m
Aandrywing 1 x Rolls-Royce PWR1 kernreaktor

2 x stoomturbine 11 185,5 kW

Spoed (oppervlak) 25 knope
Spoed (onderwater) 30 knope
Bemanning 130 lede
Wapens 5 x torpedobuise vir Spearfish torpedos

RN Sub-Harpoon missiele
Tomahawk missiele

Bron[wysig | wysig bron]

  • THE ILLUSTRATED ENCYCLOPEDIA OF DESTROYERS FRIGATES & SUBMARINES, Bernard Ireland and John Parker, 2015, ISBN 978-0-85723-601-2

Verwysings[wysig | wysig bron]

  1. 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 1,17 1,18 1,19 1,20 Sharpe, Richard, Jane's Fighting Ships, 1996–97, pub 1996, Jane's Information Group, ISBN 0-7106-1355-5 page 758.
  2. "HMS Trafalgar pulls down flag and retires from sea". Northwest Evening Mail. 5 December 2009. Besoek op 2010-11-12.
  3. HMS Tireless navy submarine ends service at Devonport, bbc.com, 19 June 2014
  4. "HMS Torbay's Decommissioning". Ministry of Defence. Besoek op 18 July 2017.
  5. "Trafalgar Class Submarines: Decommissioning:Written question - 47777". www.parliament.uk. 17 October 2016. Besoek op 13 December 2017.
  6. 6,0 6,1 "Trafalgar Class Submarines: Decommissioning:Written question - 47777". www.parliament.uk. 17 Oktober 2016. Besoek op 13 Desember 2017.