Trigonometriese baken

in Wikipedia, die vrye ensiklopedie
Jump to navigation Jump to search
'n Stapper by 'n trigonometriese baken op die Tsitsikammaberge

'n Trigonometriese baken is 'n landmerk of peilmerk wat vir geodetiese opmeting gebruik word. Hierdie bakens word gewoonlik deur regerings opgerig, en die koördinate en hoogte van die baken word dan gepubliseer. Die vorm van hierdie bakens verskil van land tot land. Die posisie en hoogte van elke trigonometriese baken word gewoonlik op topografiese kaarte aangewys.

Trigonometriese bakens in Suid-Afrika[wysig | wysig bron]

Daar is ongeveer 28 000 trigonometriese bakens in Suid-Afrika, gewoonlik 'n wit betonbasis met swart metaalplate bo-op. Die bakens in Suid-Afrika word deur die Departement van Landelike Ontwikkeling en Grondhervorming bestuur. Hierdie bakens word meestal op berge, heuwels en prominente mensgemaakte strukture aangetref.[1]

Trigonometriese bakens vorm deel van 'n ou opnamestelsel, wat ook 24 000 stadspeilmerke in 122 dorpe en stede in Suid-Afrika insluit, asook duisende peilmerke wat oorspronklik langs spoorlyne in 'n betonbasis geplaas is, maar ook later langs paaie en snelweë. Hierdie bakens en peilmerke is 'n passiewe stelsel aangesien die baken slegs die koördinate wat aan hom toegewys is verteenwoordig, en geen rol speel in die opdatering of monitering van sy posisie nie. Hierdie opnamestelsel word geleidelik vervang deur aktiewe GPS-stasies, wat in Suid-Afrika bekend staan as TrigNet.[2] Die voordeel van die nuwe GPS gebaseerde stelsel is dat dit lewendige data voorsien, en die data kan elektronies gestoor word om later verwerk te word.

Fotogalery[wysig | wysig bron]

Sien Ook[wysig | wysig bron]

Verwysings[wysig | wysig bron]

  1. Trignometrical beacons, town survey marks & bench marks”. URL besoek op 17 Mei 2017.
  2. TrigNet – continuously operating GNSS network”. URL besoek op 17 Mei 2017.

Eksterne skakels[wysig | wysig bron]