Tukkiewerf

in Wikipedia, die vrye ensiklopedie
Jump to navigation Jump to search
Tukkiewerf

Die gebou wat bekend staan as Tukkiewerf, op die Hatfieldkampus van die Universiteit van Pretoria, is die Ou Kloosterkompleks wat in 1980 van die Rooms-Katolieke Kerk bekom is.

Dit bestaan uit drie geboue:

  • ’n Kapel gebou in 1925
  • 'n Klooster gebou in 1925
  • 'n Kloostersaal wat deur Gerald JC Bernhard ontwerp is en in 1946 gebou is.

Die kompleks is in 1984 opgeknap en aan die Verteenwoordigende Studenteraad (VSR) geskenk om vir administratiewe doeleindes gebruik te word. Tukkiewerf het tot in 1995, toe die Studentesentrum geopen is, die VSR-kantore, die Sentrale Joolkomitee, die Buro vir Studenteontwikkeling en die kantore van die studentekoerant Perdeby gehuisves. Dit huisves ook die kantore van die VSR-voorsitter.

Die universiteitskapel

Die kapel met sy loodglasvensters word vir troues en kerkdienste gebruik. Aanvanklik was die kapel bekend as die Kerk van Saint Alfons Maria de Liguori, na Saint Alfons − die stiger van die Orde van Ligournians, of die Redempsioniste − wat in 1839 as ’n heilige verklaar is. Die Orde, wat in 1732 in Napels, Italië geestig is, het hulle daaraan toegewy om arm gemeenskappe te help. Die loodglasvensters in die kapel is deur Léo Theron gemaak. Daar is ’n gedenkplaat by die ingang van die kloostersaal wat hulde bring aan soldate wat lidmate van die kerk was, en wat in die Tweede Wêreldoorlog hul lewe verloor het.[1]

Verwysings[wysig | wysig bron]