Twer-oblast vliegtuigongeluk (2023)
_(cropped).jpg)
Op 23 Augustus 2023 het 'n Embraer Legacy 600-sakestraler naby Koezjenkino in Twer-oblast neergestort, ongeveer 100 kilometer noord van sy vertrekpunt in Moskou. Onder die tien slagoffers was Jewgeni Prigozjin, Dmitri Oetkin en Valery Chekalov, die sleutelfigure van die Wagner-groep, 'n Russiese staatsgefinansierde private militêre maatskappy.[1][2][3][4] Die ongeluk het gelei tot bespiegelings deur kenners dat die straler in opdrag van die Russiese president Wladimir Poetin vernietig is, aangesien Prigozjin twee maande voor die ongeluk 'n rebellie teen Russiese militêre leierskap gelei het.
Data van Flightradar24 toon dat die vliegtuig ongewone hoogteverskille ervaar het kort voordat dit neergestort het. Visuele bewyse dui op strukturele faling van die vliegtuig. Westerse intelligensie het berig dat 'n ontploffing waarskynlik die vliegtuig laat neerstort het.[5]
Die vliegtuig, wat deur die Brasiliaanse maatskappy Embraer vervaardig is, was sedert 2018 met Prigozjin geassosieer. Dit is in die Verenigde State verbied weens sanksies wat Prigozjin opgelê is ná sy betrokkenheid by die Russiese inmenging in die Verenigde State se verkiesing in 2018.[6]
Terwyl amptelike Russiese bronne dit as 'n ongeluk afgemaak het, het sommige intelligensie-agentskappe en internasionale leiers beweer dat dit 'n polities-gemotiveerde sluipmoord was.[7] Prigozjin se vorige kritiek op die Russiese ministerie van verdediging en sy verbintenis met die Wagner-groep, wat onlangs teen Russiese staatsmagte in opstand gekom het, is as moontlike motivering vir vuilspel aangehaal. Die dood van Prigozjin, Oetkin en Chekalov is 'n paar van verskeie skielike sterftes van Russiese amptenare sedert 2022 wat as verdag beskou word.
Verwysings[wysig | wysig bron]
- ↑ Seddon, Max (23 Augustus 2023). "Yevgeny Prigozhin was passenger on crashed plane, Russian officials say". Financial Times. Geargiveer vanaf die oorspronklike op 23 Augustus 2023. Besoek op 23 Augustus 2023.(abonnement vereis)
- ↑ Troianovski, Anton (23 Augustus 2023). "Russia-Ukraine War: Prigozhin Listed as Passenger on Plane That Crashed, Killing All Aboard". The New York Times. ISSN 0362-4331. Geargiveer vanaf die oorspronklike op 23 Augustus 2023. Besoek op 23 Augustus 2023.
- ↑ "Росавиация" [Rosaviatsiya]. Telegram (in Russies). Federal Air Transport Agency. Geargiveer vanaf die oorspronklike op 23 Augustus 2023. Besoek op 23 Augustus 2023.
- ↑ Binns, Daniel (23 Augustus 2023). "Wagner Group commander Dmitry Utkin was on plane that crashed north of Moscow, Russian civil aviation authority says". Sky News. Geargiveer vanaf die oorspronklike op 23 Augustus 2023. Besoek op 23 Augustus 2023.
- ↑ Troianovski, Anton; Barnes, Julian E; Schmitt, Eric (24 Augustus 2023). "'It's Likely Prigozhin Was Killed,' Pentagon Says". The New York Times. Geargiveer vanaf die oorspronklike op 27 Augustus 2023. Besoek op 27 Augustus 2023.
- ↑ "Crashed Russian Embraer jet had good safety record: Company". Al Jazeera. 24 Augustus 2023. Geargiveer 24 Augustus 2023. Besoek 24 Augustus 2023.
- ↑ Fornusek, Martin (24 Augustus 2023). "Zelensky: 'Everyone understands' who is behind Prigozhin's reported death". The Kyiv Independent. Geargiveer vanaf die oorspronklike op 24 Augustus 2023. Besoek op 24 Augustus 2023.