US Airways

in Wikipedia, die vrye ensiklopedie
Spring na: navigasie, soek
US Airways
IATA
US
ICAO
AWE
Roepsein
CACTUS
Gestig 1937 (as All American Aviation)
Hoofspil
  • Charlotte/Douglas Internasionaal
  • Philadelphia Internasionaal
  • Phoenix Sky Harbor
  • Ronald Reagan Washington Nasionaal[1]
Lojaliteitsprogram Dividend Miles
Lughawesitkamer Admirals Club
Alliansie Oneworld (affiliate)[2]
Dogtermaatskappye
  • Piedmont Airlines
  • PSA Airlines
Vlootgrootte 349 (hoofdiens), 278 (Express)
Bestemmings 193
Slagspreuk Fly with US
Houermaatskappy American Airlines Group
Hoofkantoor Tempe, Arizona, VSA[3]
Sleutelpersone Robert Isom (H.U.B.)[4]
Webtuiste usairways.com

US Airways is 'n groot Amerikaanse lugredery wat deur die American Airlines-groep besit word. Dit bedryf 'n uitgebreide internasionale en plaaslike netwerk, met 193 bestemmings in 24 lande in Noord-Amerika, Suid-Amerika, Europa en die Midde-Ooste.[5]

Die lugredery is 'n geaffilieerde lid van Oneworld en maak gebruik van 'n vloot van 343 hoofstroom straalvliegtuie, sowel as 278 plaaslike straler en turboprop vliegtuie wat deur die kontrak en filiaal bedryf word onder die naam US Airways Express. Die draer bedryf ook die US Airways Shuttle, 'n US Airways handelsmerk wat 'n uurlikse diens tussen Boston, New York Stad en Washington, DC verskaf. In Oktober 2013 het US Airways 32 312 mense wêreldwyd in diens gehad en bedryf 3 028 daaglikse vlugte (1 241 deur US Airways hoofdiens en 1 790 deur US Airways Express).[5]

In 1979, ná die Lugdiensdereguleringswet deurgevoer is, het Allegheny Airlines sy naam verander na US Air en gepoog om sy bedrywighede uit te brei. 'n Dekade later het dit Piedmont Airlines en Pacific South West Airlines verkry, om een van die VSA se sewe oorblywende transkontinentale nalatenskapdraers te word. In 2005 het America West Airlines 'n omgekeerde samesmelting uitgevoer, deur die verkryging van die bates en handelsmerk van die groter US Airways, terwyl die bestuurspan van America West grootliks in beheer van die saamgesmelte lugredery gebly het.

Geskiedenis[wysig | wysig bron]

Vroeë jare[wysig | wysig bron]

US Airways se geskiedenis spoor terug na All American Aviation Inc, 'n maatskappy wat gestig is deur die du Pont-broers Richard C. du Pont, Alexis Felix du Pont, Jr. en Steven Gardner, as uitvoerende hoof. Die lugredery se hoofkwartier was in Pittsburgh, vanwaar dit die Ohioriviervallei bedien het sedert 1939. In 1949 is die maatskappy herdoop na All American Airways en toe dit van lugpos na passasiersdiens oorskakel in 1953 word dit Allegheny Airlines.[6]

Allegheny se eerste straler was die Douglas DC-9 in 1966; dit geabsorbeer Lake Central Airlines in 1968 en Mohawk Airlines in 1972 om een van die grootste rederye in die noordoostelike Verenigde State van Amerika te word. In 1973 was dit die negende grootste lugredery in die vrye wêreld volgens passasiersgetalle (en 24ste grootste per passasiersmyle)[7] Met die uitbreiding het ook groeipyne ontstaan en in die 1970's het Allegheny die bynaam "Agony Air" gekry as gevolg van kliëntontevredenheid.[8]

Allegheny se ooreenkoms met Henson Airlines, die voorloper van vandag se US Airways Express draer Piedmont Airlines, om die "Allegheny Commuter" vlugte te vlieg was die lugbedryf se eerste kode-deel ooreenkoms,[9] 'n soort diens wat nou algemeen in die bedryf is.

Verwysings[wysig | wysig bron]

  1. Ted Reed. "US Airways Declares National Airport a Hub at Senate Hearing". TheStreet. Verkry op 2013-03-22. 
  2. "US Airways to join oneworld on March 31, 2014". The Wall Street Journal. 9 Desember 2013. 
  3. Contact Info
  4. http://www.frequentbusinesstraveler.com/2013/06/american-airlines-and-us-airways-announces-post-merger-management-team/
  5. 5,0 5,1 "About us". US Airways. 31 Oktober 2013. Verkry op 30 November 2014. 
  6. "Britannica bron". Verkry op 30 Junie 2009. 
  7. Air Transport World Mei 1974
  8. "Hoover's profile of US Airways, Company History". Hoover's. 7 September 2007. Verkry op 7 September 2007. 
  9. "Piedmont's Roots Run Deep". 


Hierdie artikel is in sy geheel of gedeeltelik vanuit die Engelse Wikipedia vertaal.