Straalvliegtuig

in Wikipedia, die vrye ensiklopedie
Jump to navigation Jump to search
'n Russiese Tupolev Tu-160 in vlug. Dit het vier straalenjins

'n Straalvliegtuig of kortweg straler is 'n vliegtuig wat deur 'n straalenjin aangedryf word. Vliegtuie wat deur vuurpyle aangedryf word, word ook straalvliegtuie en stralers genoem. Dit is in teenstelling met skroefaangedrewe vliegtuie wat gebruik maak van 'n binnebrandenjin. Daar is sommige vliegtuie wat wel 'n kombinasie van 'n straalenjin en 'n skroef het en nie 'n binnebrandenjin nie.

Stralers is in die algemeen meer effektief teen hoë snelhede en -hoogtes waar skroefvliegtuie weer meer effektief is teen lae snelhede en -hoogtes. Stralers het die vermoë om supersoniese vlug te haal maar kan ook heelwat stadiger vlieg.

Geskiedenis[wysig | wysig bron]

Vuurpylaangedrewe[wysig | wysig bron]

Die eerste vliegtuie sonder skroewe is deur vuurpyle aangedryf. Vuurpylaangedrewe vliegtuie is eerste in Duitsland ontwikkel, waar die eerste een om te vlieg die Lippisch Ente in 1928 was.[1] Die Ente is eintlik vir die doel as 'n sweeftuig ontwikkel maar is aangepas om 'n vuurpyl te huisves. 'n Jaar later in 1929 het die doelgeboude vuurpylvliegtuig die Opel RAK.1 die eerste geword om suksesvol te vlieg.

Straalenjinaangedrewe[wysig | wysig bron]

Die Heinkel He 178, die wêreld se eerste vliegtuig wat slegs deur 'n straalenjin aangedryf is.

Frank Whittle, 'n Engelse uitvinder het die konsep van die straalenjin ontwikkel in 1928.[2] Die Duitser Hans von Ohain het 'n dekade later aan die einde van die 1930's die konsep onafhanklik ontwikkel. Hy het in Februarie 1936 'n brief aan Ernst Heinkel geskryf, waarin hy hom vertel het van die ontwerp en die moontlikhede van 'n straalenjin.

Die eerste straalenjinvliegtuig om te vlieg was die Heinkel He 178 V1 se eerste prototipe van die Duitse lugmag, die Luftwaffe, op 27 Augustus, 1939 in Rostock (Duitsland).

Verwysings[wysig | wysig bron]

  1. The Internet Encyclopedia of Science: Experimental Aircraft.. "Lippisch Ente.". URL besoek op 26 September2012.
  2. http://www.cwn.org.uk/heritage/people/whittle/biography.html