Uetersen

in Wikipedia, die vrye ensiklopedie

Uetersen

Kaart Wapen
Vlag
 Land Duitsland
 Deelstaat Sleeswyk-Holstein
 Koördinate 53°41′N 09°40′O / 53.683°N 9.667°O / 53.683; 9.667
 Stigting 1234 (eerste verwysing)
 Stadstatus 1870
 Oppervlakte:  
 - Totaal 11,4 vk km
 Hoogte bo seevlak 6 m
 Bevolking:  
 - Totaal (31 Desember 2011) 17 829
 - Bevolkingsdigtheid 1 560/vk km
 Tydsone UTC +1 (MET)
 - Somertyd UTC +2
 Burgemeester Andrea Hansen (SPD)
 Amptelike Webwerf www.uetersen.de

Uetersen is 'n stad in die deelstaat Sleeswyk-Holstein, Duitsland met sowat 18 800 inwoners.

Geografie[wysig | wysig bron]

Uetersen is aan die Pinnau geleë, een van die Elbe se syriviere, wat 75 kilometer verder noordwes in die Noordsee uitmond. Die stad lê sowat 30 kilometer van Hamburg af.

Klimaat[wysig | wysig bron]

Danksy die maritieme invloede het Uetersen in vergelyking met die oostelike agterland 'n gematigde, vogtige klimaat wat deur 'n minder wisselvallige weer as die binnelandse gebiede gekenmerk is. In die algemeen het die noorde van Duitsland ietwat laer temperature en meer reënval as die suide, maar danksy die maritieme invloed is die winters meer gematig.

Die gemiddelde wintertemperatuur in Uetersen is 2 °C, die gemiddelde somertemperatuur sowat 22 °C. Julie is die warmste maand met 'n gemiddelde temperatuur van 17,0 °C, Januarie die koudste met 'n gemiddelde van 0,0 °C. Warm somerdae met meer as 25 °C tree nou gereeld op.

Stormagtige weer tree veral in die winter op, terwyl die tydperk tussen Julie en Oktober die natste van die jaar is. Reënbuie is in hierdie tydperk sterker en behels meer reënwater as die ligte reën wat in die res van die jaar val.

Taal[wysig | wysig bron]

Die Uetersener variant van die Neder- of Platduitse. Nog in die 19de eeu was Nederduits die algemene omgangstaal van Uetersen. Sedertdien is die tradisionele "Platduitse" dialek deur die Hoogduitse skryf- en spreektaal teruggedring en speel 'n minder belangrike rol as streektaal. Die taal word nog steeds gepraat en orals in Noord-Duitsland met trots bewaar. Die stad se eie omgangstaal, Missingsch, is sterk deur Nederduits beïnvloed.

Eksterne skakels[wysig | wysig bron]