Universiteit van Kopenhagen

in Wikipedia, die vrye ensiklopedie
Universiteits Hoofgebou, Frue Plads. (Verwronge 180° panorama).
Annex in Fiolstræde.

Die Universiteit van Kopenhagen (Deens: Københavns Universitet) is die oudste universiteit en navorsingsinstelling in Denemarke. Dit is in 1479 gestig as 'n "studium generale", en is die tweede oudste instansie vir hoër onderwys in Skandinawië ná die Universiteit van Uppsala (1477). Die Universiteit het 23 473 voorgraadse studente, 17 398 nagraadse studente, 2 968 doktorale studente en meer as 9000 werknemers. Die universiteit het vier kampusse in en rondom Kopenhagen, met die hoofkwartier in Sentraal-Kopenhagen. Die meeste kursusse word in Deens aangebied, maar baie kursusse word egter ook in Engels aangebied en 'n paar in Duits. Die universiteit het 'n paar duisende buitelandse studente, waarvan die helfte uit die Noordiese lande kom.

Die universiteit is 'n lid van die Internasionale Alliansie van Navorsingsuniversiteite (IARU), saam met onder andere die Universiteit van Cambridge, Yale-universiteit, die Australiese Nasionale Universiteit, en die Universiteit van Kalifornië, Berkeley. Volgens die 2016 Akademiese Rangorde van Wêrelduniversiteite is die Universiteit van Kopenhagen die beste universiteit in Skandinawië en die 30ste in die wêreld,[1] volgens die 2016-2017 Times Higher Education World University Rankings as 120ste in die wêreld,[2] en volgens die 2016- 2017 QS World University Rankings as 68 in die wêreld.[3] Die universiteit het 37 Nobelpryswenners wat as alumni, fakulteitslede en navorsers geaffilieer is, en het een Turing-pryswenner voortgebring.[4]

Gesiene alumni (chronologiese orde)[wysig | wysig bron]

Tycho Brahe
Ole Rømer
Søren Kierkegaard
Niels Bohr
Piet Hein

Verwysings[wysig | wysig bron]

  1. "Academic Ranking of World Universities". Shanghairanking.com. Geargiveer vanaf die oorspronklike op 1 Junie 2020. Besoek op 23 September 2016.
  2. "World University Rankings". Times Higher Education. Besoek op 23 September 2016.
  3. "QS World University Rankings" (in Engels). QS Quacquarelli Symonds Ltd. Geargiveer vanaf die oorspronklike op 1 Junie 2020. Besoek op 23 September 2016.
  4. "Peter Naur - A.M. Turing Award Winner". Besoek op 27 Oktober 2016.
  5. "Congress and the Presidency in the TV and Digital Age" (PDF). C-SPAN. Geargiveer vanaf die oorspronklike (PDF) op 28 September 2012. Besoek op 4 Mei 2011.
  6. "Høgni Reistrup". LinkedIn. Besoek op 17 Januarie 2016.
  7. Bohlbro, Peter (13 Maart 2013). "Folketingets Færøudvalg holder temamøde om den voksende fraflytning fra Færøerne" (in Deens). The Folketing. Geargiveer vanaf die oorspronklike op 9 Oktober 2016. Besoek op 17 Januarie 2016.