Tycho Brahe

Tycho Ottesen Brahe
Gebore	Tyge Ottesen Brahe 14 Desember 1546 Skåne, Denemarke, Denemarke-Noorweë
Sterf	24 Oktober 1601 (op 54) Praag, Heilige Romeinse Ryk
Nasionaliteit	Denemarke
Beroep	Edelman, sterrekundige
Bekend vir	Ontdekking van SN 1572
Eggenoot	Kirsten Barbara Jørgensdatter
Kinders	8
Ouer(s)	Otte Brahe en Beate Bille
Handtekening

Tycho Brahe (gebore as Tyge Ottesen Brahe, Skåne, 14 Desember 1546 – Praag, 24 Oktober 1601) was ’n Deense sterrekundige.

Brahe het in 1572 ’n "nuwe helder ster" in die sterrebeeld Kassiopeia ontdek. Hy beskryf dié vreemde gebeurtenis in sy boek De Stella Nova (Latyn vir "Oor die nuwe ster"). Dit is nou bekend dat dit ’n supernova, ’n sterontploffing, genaamd SN 1572 was. Hy het dadelik in Europa bekend geword en in 1576 het hy, met die ondersteuning van koning Frederik II van Denemarke, twee sterrewagte laat bou op die eiland Ven wat onder Deense beheer was: Uraniborg en Stjerneborg. Die sterrewagte is deur die inwoners van die eiland opgerig, met Tycho Brahe as hulle heer.

In 1577 het hy ’n komeet waargeneem en deur parallaksmeting vasgestel die verskynsel is verder weg van die Aarde as die maan. Dit was in teenstelling met die opvatting van destyds dat komete in die atmosfeer voorkom. Na Frederik II se dood is hy deur Christian IV opgevolg en hy het Tycho se inkomste verklein. Tycho het ook stry gekry met die kerk en die adellikes. Hy het Denemarke in 1597 verlaat en eindelik in Praag gaan woon, waar hy in 1601 dood is.

Verwysings

• Hierdie artikel is vertaal uit die Nederlandse Wikipedia

• Wikimedia Commons het meer media in die kategorie Tycho Brahe.