Uppsala General Catalogue of Galaxies

in Wikipedia, die vrye ensiklopedie
Jump to navigation Jump to search
Die Sonneblom-sterrestelsel, ook bekend as UGC 8334, is een van die 12 921 sterrestelsels in die Uppsala General Catalogue of Galaxies.

Die Uppsala General Catalogue of Galaxies (UGC) is ’n katalogus van 12 921 sterrestelsels wat van die Noordelike Halfrond af sigbaar is. Dit is in 1973 die eerste keer gepubliseer.[1]

Die katalogus sluit alle stelsels noord van deklinasie -02°30' in met ’n deursnee van groter as 1 boogminuut. Die primêre bron van die data is die Palomar-sterrewag se lugopname (POSS). Dit sluit ook sterrestelsels van die Catalogue of Galaxies and of Clusters of Galaxies (CGCG) in wat kleiner as 1 boogminuut is, maar ’n skynbare magnitude van helderder as 14,5 het.

Beskrywings van die stelsels word in die katalogus aangegee, asook die gebied wat hulle omring en konvensionele stelselklassifikasies en posisiehoek vir sekere stelsels. Die stelsels se deursnee word ook aangegee, en die klassifikasie en beskrywings gee so ’n akkuraat as moontlike beeld van die stelsels op die foto's. Die akkuraatheid van die koördinate is net genoeg om identifikasie moontlik te maak.

Die stelsels in die katalogus word vanaf "UGC 1" genommer en word gerangskik volgens hul regte klimming.

Bylae[wysig | wysig bron]

Daar is ook ’n bylae, die Uppsala General Catalogue Addendum, wat afgekort word as UGCA.

Verwysings[wysig | wysig bron]

  1. Peter Nilson. "The Uppsala General Catalogue of Galaxies". Besoek op 2011-01-30.

Eksterne skakels[wysig | wysig bron]