Van Morrison

in Wikipedia, die vrye ensiklopedie
Jump to navigation Jump to search
Van Morrison
Van Morrison at Notodden Blues Festival.JPG
Van Morrison tydens die Notodden Blues-fees in Noorweë in 2013
GeboortenaamGeorge Ivan Morrison
Geboorte31 Augustus 1945
Belfast, Noord-Ierland, Vlag van Verenigde Koninkryk Verenigde Koninkryk
Beroep(e)Sanger
Liedjieskryfster
Musikant
Musiekvervaardiger
Genre(s)Rock · rhythm & blues · folk · blues · soul · Keltiese musiek · jazz · country · gospel
Instrument(e)Stem, kitaar, harmonika, saxofoon, klawerbord, slagwerk, tamboerien, ukulele
Aktiewe jare1958 tot hede
EtiketteDecca · Bang · Warner Bros. · London · Mercury · Exile · Polydor · Verve · Point Blank · Virgin · Universal · Blue Note · Lost Highway · Listen to the Lion · EMI · Manhattan · RCA
Webwerfvanmorrison.com
AssosiasiesThem
Portal.svg Musiekportaal

Sir George Ivan "Van" Morrison, OBE[1] (* 31 Augustus 1945 in Belfast, Noord-Ierland, Verenigde Koninkryk) is 'n Noord-Ierse sanger, musikant, liedjieskrywer en musiekvervaardiger. Vir sy musikale prestasies, sy bydraes tot die toerismebedryf en sy bevordering van weldadigheidsorganisasies in Noord-Ierland is Van Morrison in 2016 tot ridder geslaan.

Morrison, wat ook as "Van the Man" bekendstaan, het sy loopbaan reeds as tienerseun in die 1950's begin toe hy 'n verskeidenheid instrumente soos kitaar, harmonika, klawerbord en saxofoon vir verskeie Ierse musiekgroepe gespeel het wat destyds gewilde treffers opgevoer het. Teen die middel van die sestigerjare het Morrison bekendheid verwerf as hoofsanger van die Noord-Ierse rhythm & blues-groep Them. Een van hul liedjies, Gloria, het 'n klassieke pop-treffer geword.

Sy solo-loopbaan het begin met sy samewerking met Bert Berns, 'n Amerikaanse liedjieskrywer en musiekvervaardiger. Uit die samewerking het in 1967 die enkelsnittreffer Brown Eyed Girl voortgespring. Ná Berns se ontydige afsterwe - hy is op 30 Desember 1967 op die ouderdom van 38 aan hartversaking dood - het die platemaatskappy Warner Bros. Records Morrison se kontrak uitgekoop. Hy het die kans gekry om tydens drie sessies die album Astral Weeks op te neem. Die langspeler, wat deur kritici gunstig ontvang is, het aanvanklik swak verkoop.

Eers met Moondance (1970) het Morrison groter internasionale sukses behaal. Met 'n reeks langspelers en konsertoptredes het hy sy reputasie as een van die leidende popkunstenaars gevestig. Morrison het ook in die volgende dekades voortgegaan om albums vry te stel en konserttoere te onderneem. Soms het hy saamgewerk met ander groot name in die internasionale musiekbedryf soos Georgie Fame en The Chieftains.

Verwysings[wysig | wysig bron]

  1. Rayner, Gordon (13 June 2015). "Queen's Birthday Honours: Van Morrison knighted". The Daily Telegraph. Telegraph Media Group. Besoek op 11 Oktober 2017.