Veelrassige pornografie
Veelrassige pornografie is ’n pornografiese genre wat seks uitbeeld tussen mense van verskillende rasse. Dit kan enige etniese groepe insluit, soos wit mense, swart mense, Asiërs of Latyns-Amerikaners. Veelrassige seks word veral aangetref in Noord-Amerika, waar ’n wit en swart persoon gewoonlik betrek word. Rassestereotipes is meestal aan die orde van die dag.[1]
Behind the Green Door (1972) was een van die eerste pornografieprente wat tonele tussen ’n wit vrou (Marilyn Chambers) en swart man (Johnnie Keyes) ingesluit het.[2] Veelrassige pornografie het intussen een van die gewildste genres in pornografie geword.[3] Daar is deesdae verskeie webtuiste wat uitsluitlik op veelrassige seks konsentreer.
Dispuut in die VSA-pornobedryf[wysig | wysig bron]
In Amerika is daar ’n algemene oortuiging dat wit aktrises in die verlede gewaarsku is om swart mans te vermy, beide op stel en in hul persoonlike lewe. ’n Moontlike rede kan wees dat daar geglo is ’n veelrassige toneel kan die loopbaan van ’n wit pornoster ruïneer, maar kenners meen daar is geen getuienis om dié mening te ondersteun nie.[4]
Sommige kommentators wys ook daarop dat die gebrek aan rasseskeiding en "nonsens oor 'aantrekking' en 'voorkeur'" in die Europese pornobedryf daartoe gelei het dat baie Europese aktrises in veelrassige prente verskyn het.[5] Die akteur Lexington Steele het in 2013 in ’n onderhoud met die tydskrif Root gesê wit aktrises wat in veelrassige pornografie verskyn, kan hul loopbaan wegsteek as gevolg van sosiale druk deur hul naastes terwyl hulle meen "Dis net ’n element van die Amerikaanse kultuur wat nog bestaan, en dit is die gevoel dat ’n wit vrou onteer, of dalk besmet, sal word as hulle ’n toneel met ’n swart man doen".[6]
Aurora Snow het in 2013 in ’n artikel opgemerk die grootste rede wat wit aktrises keer om veelrassige tonele te doen, is "loopbaan-angs" wat deur agente veroorsaak word, eerder as hul eie rassevooroordeel. Die akteur Tee Reel, wat een van die min swart agente in die Amerikaanse pornobedryf is, het gesê: "Sommige vroue wat gesê het hulle doen nie veelrassige seks nie; ek het inderwaarheid met hulle seks gehad, weg van die kameras."[7]
Kritiek van geleerdes[wysig | wysig bron]
In hoofstuk 3 van haar boek Porn Studies ondersoek Linda Williams, ’n professor aan die Universiteit van Kalifornië, Berkeley, die rolprent Crossing the Color Line met Sean Michaels, ’n swart akteur, en Christi Lake, ’n wit aktrise.[8] In die onderhouddeel van die prent sê Michaels en Lake hoe "kleurblindheid" ’n positiewe benadering tot veelrassige porno is.[8] Williams identifiseer ’n weerspreking tussen hierdie onderhoude en die daaropvolgende tonele, waarin albei akteurs verskeie kere verwys na die verskil in velkleur tussen hulle.[8] Lake verwys byvoorbeeld na Michaels se geslagsorgaan as ’n "big black dick".[8] Williams meen die uitwysing van rasseverskille word die hooffokus vir die kykers gemaak, en dit lê klem op die eksotiese sy van rasseverskille.[8] Sy meen die seksuele spanning in veelrassige pornografie dateer terug in die Amerikaanse geskiedenis na slawerny.[8]
Verwysings[wysig | wysig bron]
- ↑ Adnet Media, red. (15 Julie 2007). "Lex Steele Talks God on BET". XFANZ.com (in Engels). Geargiveer vanaf die oorspronklike op 14 Oktober 2007. Besoek op 2 November 2015.
- ↑ "Interracial porn pioneer Marilyn Chambers dead at 56". The Vancouver Sun. 15 April 2009. Geargiveer vanaf die oorspronklike op 16 April 2009. Besoek op 19 Junie 2016.
- ↑ NonStop Television (red.). "Black/White: Sex, Race & Profit" (pdf). www.nonstop.tv (in Engels). p. 62. Geargiveer (PDF) vanaf die oorspronklike op 29 Maart 2015. Besoek op 2 November 2015.
- ↑ Ranz, Sheldon (5 April 1997). "Stars Who Refuse Interracial Scenes". Besoek op 6 Julie 2007.
- ↑ Luke Ford (2005). "Racism". LukeIsBack.com. Besoek op 18 Januarie 2008.
Angel Dark, Stacy Silver, Sylvia Saint, Jane Darling, Liliane Tiger, Monica Sweetheart, Sharka Blue, Ellen Saint, etc., have all done IR, and not because they had to do it to salvage their careers either. And these are all hot European starlets who can pick and choose any guy with whom to do a scene, but don't go around talking nonsense about "attraction" and "preference."
- ↑ Goff, Keli (3 April 2013). "Is the Porn Industry Racist?" (in Engels). The Root. Geargiveer vanaf die oorspronklike op 26 Desember 2016. Besoek op 24 Julie 2016.
- ↑ Snow, Aurora (5 Maart 2013). "Interracial Sex Still Taboo for Many Porn Stars" (in Engels). The Daily Beast. Geargiveer vanaf die oorspronklike op 29 Mei 2017. Besoek op 13 Oktober 2013.
- ↑ 8,0 8,1 8,2 8,3 8,4 8,5 Williams, Linda (2004). "Skin Flicks on the Racial Border: Pornography, Exploitation, and Interracial Lust". In Williams, Linda (red.). Porn Studies. Durham, N.C.: Duke University Press. ISBN 978-0-8223-3300-5.
Eksterne skakels[wysig | wysig bron]
Hierdie artikel is vertaal uit die Engelse Wikipedia
