Verbania

in Wikipedia, die vrye ensiklopedie
Jump to navigation Jump to search
Città di Verbania
Panoramiese uitsig oor Verbania
Panoramiese uitsig oor Verbania
Ligging van Città di Verbania op 'n kaart (Italië)
Città di Verbania
Città di Verbania
Koördinate: 45°56′00″N 08°32′00″O / 45.93333°N 8.53333°O / 45.93333; 8.53333Koördinate: 45°56′00″N 08°32′00″O / 45.93333°N 8.53333°O / 45.93333; 8.53333
Land Vlag van Italië Italië
Streek Flag of Piedmont.svg Piëmont
Provinsie CoA of Verbano-Cusio-Ossola.svg Verbano-Cusio-Ossola
Gevorm deur samesluiting van Intra en Pallanza 1939
Regering
 - Burgemeester Silvia Marchionini (PD)
Oppervlak
 - Stad 37,49 km²  (14,47 vk m)
Hoogte 200-678 m (700-2 224 vt)
Bevolking (1 Januarie 2018)
 - Stad 30 709
 - Digtheid 820/km² (2 123,8/myl2)
Tydsone MET (UTC+1)
 - Somer (DST) MEST (UTC+2)
Poskode 28900, 28921-28925
Skakelkode(s) 0323
Webwerf: comune.verbania.it

Verbania (Italiaans: [verˈbaːnja]; Lombardies: [ʋerˈbɑːnja]; Piëmontees: [verˈbɑnja]) is die grootste munisipaliteit (comune) in en sedert 1992 administratiewe setel van die Noordwes-Italiaanse provinsie Verbano-Cusio-Ossola in die administratiewe streek Piëmont, met 'n oppervlakte van 37,49 km2 en 'n bevolking van 30 709 soos op 1 Januarie 2018. Die stad, wat eers in 1939 met die samesluiting van twee nedersettings, Intra en Pallanza, ontstaan het, is die grootste langs die oewer van die meer Lago Maggiore, sowat 91 km noordwes van Milaan geleë.

Verbania bestaan uit 'n aantal stadsdele, waarby Verbania Pallanza (met sy historiese middestad en nou straatjies) en Verbania Intra (met sy ligging teen die meeroewer) die belangrikstes vir die besoeker is.

Die Giardini botanici in Verbania Pallanza, met die Villa Taranto teen die agtergrond. Hul skepper, die Skot Neil McEacharn, het hier ná sy afsterwe in 1964 sy laaste rusplek in 'n mausoleum gevind[1]
Villa Taranto is tans in staatsbesit en in teenstelling met die botaniese tuin nie toeganklik vir die publiek nie. Dit dien onder meer as konferensielokaal vir Italië se eerste minister

Die bekendste besienswaardigheid in Verbania is Villa Taranto, 'n laat 19de eeuse herehuis met sy eie botaniese tuin. In 1931 het die Skotse kommandant (captain) en lid van die Royal Archers, Neil McEacharn, die villa in besit van die Savoy-familie gekoop en in sy tuin oor 'n tydperk van drie dekades met die planting van sowat 20 000 gewasse een van die aantreklikste botaniese tuine in Europa geskep. Die tuin strek oor 'n golwende heuwellandskap met velde vol purperrooi rododendrons, tulpe en kamelias en kweekhuise met lelies.

Verwysings[wysig | wysig bron]