Kamelia

in Wikipedia, die vrye ensiklopedie
Jump to navigation Jump to search
Kamelia
Ook: Camellia
Wetenskaplike klassifikasie
Koninkryk: Plantae
Divisie: Magnoliophyta
Klas: Magnoliopsida
Orde: Ericales
Familie: Theaceae
Tribus: Theeae
Genus: Camellia
L.
Spesies

Sowat 100–250, sien teks

Sinonieme

Thea

Die kamelia of Camellia is ’n genus blomplante in die familie Theaceae. Hulle is inheems aan Oos- en Suid-Asië, van die Himalaja oos van Japan en Indonesië. Daar is 100–250 spesies; daar word verskil oor die presiese getal. Die genus is deur Linnaeus genoem na die Tsjeggies gebore Jesuïtiese apteker en sendeling Georg Kamel, hoewel dié nooit ’n kamelia beskryf het nie.

Een van die bekendste spesies is C. sinensis, waarvan tee gemaak word. Die sierplante Camellia japonica, Camellia oleifera en Camellia sasanqua en hul hibriede het verskeie kultivars.

Beskrywing[wysig | wysig bron]

Die blare van die teestruik, Camellia sinensis.

Kamelias is immergroen struike of klein bome van tot 20 m hoog. Hul blare is teenstandig, eenvoudig, dik, gesaag en gewoonlik blink. Hul blomme is meestal groot en opvallend, 1-12 cm breed en met 5-9 kroonblare in natuurlike spesies.

Die blome wissel van wit tot rooi; ware geel blomme word net in Suid-Sjina en Viëtnam aangetref. Hulle het opvallende geel meeldrade, wat dikwels uitstaan teen die kleur van die kroonblare.[1][2] Die sogenaamde "vrug" van die kamelia is ’n droë kapsule wat soms in vyf kamers verdeel is, met tot agt sade per kamer.

Die verskeie spesies kamelias is gewoonlik goed aangepas by suur grond wat ryk is aan humus, en die meeste spesies hou nie van alkaliese grond nie. Hulle het gewoonlik baie water nodig en groei dikwels vinnig – sowat 30 cm per jaar tot ’n volwasse ouderdom, hoewel dit wissel van variëteit tot variëteit en van gebied tot gebied.

Moderne kultivars[wysig | wysig bron]

Kamelias word vandag as sierplante gekweek vir hul blomme: sowat 3 000 kultivars en hibriede word erken, baie met dubbele en halfdubbele blomme. C. japonica is die bekendste spesie, met meer as 2 000 kultivars.

Van die kultivars is:

Naam Kruising tussen Grootte Blomkleur Soort blom Verw.
'Cornish Snow' cuspidata × saluenensis 4 m² wit enkel [3]
'Cornish Spring' cuspidata × saluenensis 4 m² pienk enkel [4]
'Francie L' reticulata × saluenensis 64 m² pienk dubbel [5]
'Freedom Bell' × williamsii 6,5 m² rooi halfdubbel [6]
'Inspiration' reticulata × saluenensis 10 m² pienk halfdubbel [7]
'Leonard Messel' reticulata × saluenensis 16 m² pienk halfdubbel [8]
'Royalty' japonica × reticulata 1 m² ligrooi halfdubbel [9]
'Spring Festival' × williamsii, cuspidata 10 m² pienk halfdubbel [10]
'Tom Knudsen' japonica × reticulata 6,3 m² dieprooi dubbel [11]
'Tristrem Carlyon' reticulata 10 m² pienk dubbel [11]

Geselekteerde spesies[wysig | wysig bron]

  • Camellia assimilis
  • Camellia azalea
  • Camellia brevistyla
  • Camellia caudata
  • Camellia chekiangoleosa
  • Camellia chrysantha
  • Camellia connata
  • Camellia crapnelliana
  • Camellia cuspidata
  • Camellia euphlebia
  • Camellia euryoides
  • Camellia flava
  • Camellia fleuryi
  • Camellia forrestii
  • Camellia fraterna
  • Camellia furfuracea
  • Camellia gilbertii

  • Camellia granthamiana
  • Camellia grijsii
  • Camellia hengchunensis
  • Camellia × hiemalis
  • Camellia hongkongensis
  • Camellia irrawadiensis
  • Camellia japonica
  • Camellia kissii
  • Camellia lutchuensis
  • Camellia miyagii
  • Camellia nitidissima
  • Camellia nokoensis
  • Camellia oleifera
  • Camellia parviflora
  • Camellia pitardii
  • Camellia pleurocarpa
  • Camellia polyodonta

  • Camellia pubipetala
  • Camellia reticulata
  • Camellia rosiflora
  • Camellia rusticana
  • Camellia salicifolia
  • Camellia saluenensis
  • Camellia sasanqua
  • Camellia semiserrata
  • Camellia sinensis
  • Camellia taliensis
  • Camellia transnokoensis
  • Camellia tsaii
  • Camellia tunghinensis
  • Camellia vietnamensis
  • Camellia × williamsii
  • Camellia yunnanensis

Verwysings[wysig | wysig bron]

  • Harder, A.; Holden–Dye, L.; Walker, R. & Wunderlich, F. (2005): Mechanisms of action of emodepside. Parasitology Research 97(Bylae 1): S1-S10. doi:10.1007/s00436-005-1438-z (HTML-uittreksel)
  • Mair, V.; Hoh, E. (2009): The True History of Tea. Thames & Hudson. ISBN 978-0-500-25146-1.

Eksterne skakels[wysig | wysig bron]