Victoria Square, Belfast

in Wikipedia, die vrye ensiklopedie
Jump to navigation Jump to search
Hoofingang
House of Fraser-afdelingswinkel
Die winkelsentrum se oordakte winkellane
Die uitsigplatform in die koepel
Odeon-rolprentteater

Victoria Square is 'n eiendomsprojek in Belfast, Noord-Ierland, wat winkelruimte, woonstelle en vermaaklikheidsgeriewe huisves. Die projek is deur Multi Development UK ontwikkel en teen 'n koste van £400 miljoen gebou. Die boutyd was ses jaar. Die projek met 'n oppervlakte van 75 000 m² is die grootste en ook een van die duurstes wat ooit in Noord-Ierland onderneem is. Dit het sy deure op 6 Maart 2008 geopen.

Die Victoria Square-winkelsentrum is een van die gewildstes in die Noord-Ierse hoofstad. Winkelruimte het op vier verdiepings ontstaan, waarvan twee vir restaurante gereserveer is. Die sentrum het 'n verskeidenheid nuwe handelsmerke uit die voedsel- en kleinhandelbedryf na Noord-Ierland gelok, waaronder Urban Outfitters, Cruise, Reiss, LK Bennett en Apple. Die ankerhuurder met 'n oppervlakte van 18 581 m² is die afdelingswinkel House of Fraser.

Die sentrum bied oordakte winkellane, 'n moderne rolprentteater, die Odeon Belfast, en, vanuit sy ikoniese koepel wat ook ná winkelure vir besoekers oopstaan, 'n panoramiese uitsig oor Belfast, die Laganrivier en selfs die berglandskap van die Mourne Mountains in die verte. Die Victoria Jaffe-fontein by die hoofingang het met die bou van die sentrum na sy oorspronklike staanplek van 1870 teruggekeer.

Eksterne skakels[wysig | wysig bron]

Koördinate: 54°35′54″N 5°55′31″W / 54.59833°N 5.92528°W / 54.59833; -5.92528