Vijfheerenlanden (streek)

in Wikipedia, die vrye ensiklopedie
Kaart van die Vijfheerenlanden-munisipaliteit minus gebied noordwes vanaf Meerkerk plus gebied oos van Arkel is kaart van die Vijfheerenlanden-streek
Die Vijfheerenlanden naby Hei- en Boeicop
Naby Nieuwland
Aan die rand van Schoonrewoerd

Die Vijfheerenlanden (letterlik in Afrikaans: Vyfherelande) is 'n Nederlandse streek in die provinsie Utrecht, waarvan 'n klein stukkie in die provinsie Zuid-Holland lê. Daar woon in 2022 ongeveer 51 000 mense op 'n oppervlakte van sowat 137 km².[1]

Dit is 'n landelike streek met baie veeboerdery en 'n bietjie saaiboerdery, wat hom sowat op nul meter bo seevlak bevind en wat uit veen en klei bestaan.

Hierdie streek val amper heeltemal saam met die in 2019 gestigte munisipaliteit Vijfheerenlanden, uitgesonder die munisipale gebied noordwes vanaf die dorp Meerkerk, wat onder die Alblasserwaard-streek val. Die klein munisipale gebied van die Zuid-Hollandse munisipaliteit Molenlanden wat oos van die dorp Arkel geleë is, behoort ook tot die Vijfheerenlanden-streek.[1]

Die Vijfheerenlanden grens in die weste aan die Zuid-Hollandse Alblasserwaard-streek en in die ooste aan die Gelderse Nederbetuwe- en Tielerwaard-streke. In die noorde word die Vijfheerenlanden begrens deur die Lek- en in die suide deur die Linge-rivier.

Die streek se dialek word Vijfheerenlands genoem, wat 'n Hollandse dialek is en baie dieselfde as die naburige Alblasserwaards is.

Naburige streke[wysig | wysig bron]

Lopikerwaard rivieregebied van provinsie Utrecht
Alblasserwaard (ZH) Compass rose simple - af.svg Nederbetuwe (GE)
Tielerwaard (GE)

Sien ook[wysig | wysig bron]

Verwysings[wysig | wysig bron]

  1. 1,0 1,1 Berekening:
    • Vijfheerenlanden-munisipaliteit het 59.000 inwoners op 'n oppervlakte van 153 km².
    • Minus die gebied noordwes vanaf Meerkerk: 8.000 inwoners, oppervlakte 20 km².
    • Plus van Molenlanden-munisipaliteit die gebied oos van Arkel: nouliks inwoners, oppervlakte 4 km².

Eksterne skakels[wysig | wysig bron]