Vioolconcerto nr. 6 (Mozart)

in Wikipedia, die vrye ensiklopedie
Jump to navigation Jump to search
Vioolconcerto in E-mol
Nr. 6
deur W. A. Mozart
ToonaardE-mol majeur
KatalogusK. 268/365b/Anh.C. 14.04
Bewegings1. Allegro moderato
2. Un poco Adagio
3. Rondo: Allegretto
Partituur
  • Viool
  • orkes

Daar was aanvanklik gedink dat die sogenaamde Vioolconcerto nr. 6 in E-mol majeur, K. 268/365b/Anh.C. 14.04 deur Wolfgang Amadeus Mozart gekomponeer is. Dit word egter nou onder die werke van Johann Friedrich Eck (1767–1838) gereken.

Struktuur[wysig | wysig bron]

Die konsert beskik oor die gebruiklike vinnig-stadig-vinnig struktuur en duur ongeveer 23 minute.

Die bewegings is:

  1. Allegro moderato
  2. Un poco adagio
  3. Rondo: Allegretto

\relative c' {
  \key es \major
  \tempo "Allegro moderato"
  es2-.\f bes4-. g'-. | es-. bes'-. g-. es'-. | f2\p f8( g as f) | es2. \grace g16 f4 | es r r8
}

Agtergrond[wysig | wysig bron]

Die vioolconcerto was die eerste keer in 1799 deur Johann André gepubliseer. 'n Kontemporêre skrywer het gekonstateer dat die werk in 1784 gekomponeer was, en dat dit voor Eck gespeel is deur Mozart, alhoewel Mozart se weduwee Constanze van oordeel was dat indien die werk eg was, dit vroeër gekomponeer moes gewees het. Ludwig von Köchel het die werk se datum op 1776 gestel in sy katalogus, en dit geëtiketteer as K. 268. 'n Algemene hipotese wat in die latere helfte van die 19de eeu gemaak is was naamlik dat die stuk gebaseer was op oorspronklike Mozart materiaal maar gekonstrueer is deur 'n minder vaardige komponis. Cecil B. Oldman het geglo dat die werk stilistiese eienskappe in gemeen gehad het met Mozart se Sinfonia Concertante vir Viool, Altviool en Orkes, K. 364, en dat Eck die werk voltooi het. Hy het in 'n voetnoot tot bl.1469 van The Letters of Mozart and his Family Volume III soos volg geskryf:

Cquote1.svg Hierdie is die Concerto in E-mol (K. 268), ten opsigte waarvan die egtheid so dikwels oor geredeneer is. Soos Constanze self later melding van maak in die loop van die brief; was dit die eerste keer gepubliseer (in 1799, as Op. 76) deur Andre self, of tewens, deur sy vader, wat tot en met sy afsterwe in Junie 1799 die hoof van die firma was. Dit was geresenseer in die AMZ vir Oktober 1799 en kortaf verwerp as 'n onbevoegde stuk werk wat sekerlik nie deur Mozart gekomponeer kon gewees het nie. In Januarie 1800 het daar 'n antwoord tot sy resensie verskyn gedurende die loop van kommunikasie met F. A. Ernst (1745-1805), die Konzertmeister tot die Koning van Sakse. Dit is hierna waarna Constanze hier verwys. Op sterkte van Ernst se getuienis, wat nie ondubbelsinnig is nie maar duidelik die werk assosieer met München en met die Münchense violis Johann Friedrich Eck, argumenteer skrywer dat dit in die vorm waarin dit tans is, wesenlik Eck se werk bo Mozart s'n verteenwoordig, en is daar ook voorgestel dat 1780-1781 die datum van die werk se komposisie is. Sien Music & Letters, April 1931, en cp. Kochel, bls. 435, 436.
Cquote2.svg

Alfred Einstein het die werk na 1780 gedateer in sy derde uitgawe van die Köchel-katalogus, en dit van 'n nuwe nommer voorsien (K. 365b). In 'n 1978 vergelyking van die concerto met verskeie bekende Eck vioolconcertos, het Walter Lebermann die werk se waarskynlike toeskrywing aan Eck bevestig en 'n datum voorsien van voor 1790.[1] Die 1980 sesde uitgawe van die Köchel-katalogus het die concerto uit die hoofkatalogus verwyder en in die aanhangsel vir valse en twyfelagtige werke geplaas as K. Anh.C 14.04. Die werk word ook nie ingesluit in die Neue Mozart-Ausgabe nie.

Verwysings[wysig | wysig bron]

  1. Lebermann, Walter. Mozart, Eck, André: Ein Beitrag zu KV 268, Die Musikforschung, xxxi (1978), 413ff.