Virginia Raggi

in Wikipedia, die vrye ensiklopedie
Jump to navigation Jump to search
Virginia Raggi
Virginia Raggi
Virginia Raggi in 2016

34ste Burgemeester van Rome
Ampsbekleër
Termynaanvang
22 Junie 2016
Voorafgegaan deur Ignazio Morino

Persoonlike besonderhede
Gebore Virginia Elena Raggi
18 Julie 1978 (1978-07-18) (41 jaar oud)
Rome, Italië
Politieke party MoVimento 5 Stelle (M5S)
Eggenoot/eggenote Andrea Severini
Kind(ers) 1
Alma mater Universiteit Roma Tre
Handtekening Virginia Raggi signature.png

Virginia Elena Raggi (18 Julie 1978 in Rome) is 'n Italiaanse advokaat en politikus in die party MoVimento 5 Stelle (M5S). Sy is in Rome gebore en grootgemaak. Ná haar studies in die regte aan die Universiteit Roma Tre was sy as patenteprokureur in Rome werksaam.

Raggi, wat ná die geboorte van haar seun tot die politiek toegetree het en lid van Rome se stadsraad was, is op 22 Junie 2016 met 67,2 persent van die uitgebragte as burgemeesteres van haar geboortestad Rome en die Metropolitane Stad Rome verkies as die eerste vrou wat hierdie amp in die lang geskiedenis van die stad beklee. Die amp word as een van die moeilikste in Italië beskryf, gegewe die negatiewe invloed van nepotisme en korrupsie op die munisipale besluitnemingsprosesse wat aan Rome die reputasie van onregeerbaarheid gegee het.

Die knellendste kwessies is Rome se groot skuldlas wat twee keer so groot is soos sy jaarlikse begroting, vullisverwydering (Rome se vullisverwerkingsaanlegte is nie meer in staat om die hoofstad se afval te hanteer nie, omliggende munisipaliteite is nie meer bereid om Rome se vullis op hulle stortterreine te aanvaar nie, terwyl ook die vullisuitvoer na Oostenryk intussen gestaak is en 'n nuwe ooreenkoms met Swede gesluit moes word[1]), die slegte toestand van Rome se padnetwerk en openbare vervoer wat as bankrot beskou word ('n derde van alle busse is buite bedryf gestel, terwyl vervaardigers intussen weier om nuwe voertuie af te lewer uit vrees dat hulle nie betaal word nie)[2].

Op 25 Oktober 2019 het vakbondlede en medewerkers van munisipale ondernemings aan 'n staking deelgeneem en Raggi se bedanking geëis.[3]

Verwysings[wysig | wysig bron]

Eksterne skakels[wysig | wysig bron]