Vitamien C
| Vitamien C | |
|---|---|
| |
| |
| Chemie | |
| Chemiese formule | C6H8O6 |
| Molêre massa | 176.12 g/mol |
| Voorkoms | |
| Oplosbaarheid | |
| CAS registernommer | 50-81-7 |
Vitamien C is 'n wateroplosbare vitamien. Skeurbuik is die gebrek siekte van vitamien C (askorbiensuur) wat vroeër 'n groot aantal slagoffers geëis het. Daar is later ontdek dat die toevoeging van sitrusvrugte tot die menslike dieet die siekte voorkom. In 1932 is vitamien C uit voedsel geïsoleer en daar is bewys dat dit die faktor is wat skeurbuik verhoed.
Baie diere (byvoorbeeld rotte) kan hul eie vitamien C vervaardig, sodat dit nie ‘n voedingsbehoefte is nie. Vitamien C speel 'n belangrike rol in dierlike liggame, hoewel daar nog nie veel oor die presiese meganisme van die werking bekend is nie. Hulle fungeer egter tydens die vorming van kollageen ('n proteïen wat in bindweefsel, been en bloedvatwande aangetref word) en verskaf waarskynlik ook beskerming teen infeksies.
Vitamien C is wateroplosbaar mmaar dit is nie hittebestand nie en oksideer ook vinnig wanneer dit aan lug blootgestel word, iets wat veral gebeur wanneer voedsel voorberei word. Dit kom veral in vars vrugte en groente, asook in aartappelskille voor. 'n Mens het 'n daaglikse vitamien C-behoefte van 50 mg en enige inname bokant 75 mg per dag veroorsaak dat die oortollige vitamiene in die urien uitgeskei word.
Bronne[wysig | wysig bron]
- Wêreldspektrum, 1982, ISBN 0908409699, volume 28, bl. 176
Eksterne skakels[wysig | wysig bron]
Wikimedia Commons het meer media in die kategorie Vitamien C.
