Wagenaarskraal

in Wikipedia, die vrye ensiklopedie
Jump to navigation Jump to search

Wagenaarskraal in 'n historiese plaas ongeveer 30 km wesnoordwes van Drie Susters, noord van die Nuweveldberge, net binne die grens van die provinsie Noord-Kaap, suidwes van Victoria-Wes en noordnoordoos van Beaufort-Wes in die Karoo.

In die laat negentienhonderds was die plaas 'n steunpunt op die passasiers- en poskoetsdiens van die kus na die diamantmyne van Kimberley. Hier kon passasiers oorslaap, perde omgeruil, hoefysters vervang en herstelwerk aan die koetse gedoen word. Daar was 'n winkel en 'n poskantoor en vir 'n tyd selfs 'n dokter. Toe die spoorlyn in 1890 van Wellington oor De Aar na Kimberley voltooi is, het die behoefte aan die dienste wat Wagenaarskraal gebied het, verval. Die winkel en poskantoor is omskep in 'n museum wat die glorietyd van hierdie deel van die Karoo herdenk. Slegs die weerstasie is nog sedert die beginjare ononderbroke in bedryf. Teenswoordig word die plaas as stemburo vir bewoners van die omgewing gebruik. Die plaas is sedert 1870 die eiendom van die MacRobert-familie.

Bibliografie[wysig | wysig bron]

  • Schoeman, Chris: The historical Karoo. Traces of the past in South Africa’s arid interior. Kaapstad: Zebra Press, 2013. ISBN 978-1-77022-568-8