Waterberg-steenkoolveld
Die Waterberg-steenkoolveld is 'n uitgestrekte neerslag van steenkool in die Ellisras-kom in Suid-Afrika. Dit lê meestal in die Waterberg-distriksmunisipaliteit van die Limpopoprovinsie. Mynbou is reeds aan die toeneem, beide vir die uitvoer en vir plaaslike kragopwekking, en daar word verwag dat die bedryf in die streek sal uitbrei. Dit kan 'n beduidende impak hê op die droë en broos Limpopobekken ekosisteme.
Die veld se afmetings is ongeveer 85 kilometer (53 myl) van oos na wes en ongeveer 40 kilometer (25 myl) van noord na suid.[1] Dit vorm deel van dieselfde formasie as die Mmamabula-steenkoolveld in Botswana, wes hiervan geleë. Dit bevat ongeveer 40% van Suid-Afrika se steenkoolhulpbronne. Daar word beraam dat die Waterberg-steenkoolveld ongeveer 50 miljard ton steenkool bevat, waarvan sowat 'n kwart met behulp van oopgroefmynbou ontgin kan word.
Die steenkoolveld is baie groot en kan potensieel vir die volgende 200 jaar gemyn word. Dit lyk geloofwaardig dat die steenkoolbedryf na dié streek sal verskuif, infrastruktuur sal ontwikkel en maniere moet gevind word om water vanuit ander streke hierheen te bring.[2] Die Waterberg-steenkoolveld sal heel moontlik die Mpumalanga steenkoolvelde vervang, wat nou hul piekproduksie bereik het.
Kragstasies[wysig | wysig bron]
Die Matimba-kragstasie en die Medupi-kragstasie naby Lephalale (Ellisras) word voorsien van steenkool uit dié veld.
Verwysings[wysig | wysig bron]
- ↑ (en) Firestone Energy. "Waterberg coal project". Geargiveer vanaf die oorspronklike op 7 September 2012. Besoek op 25 September 2012.
- ↑ (en) Ndaba, Dennis (20 Maart 2008). "Abundant Waterberg coalfield capable of hosting many more power stations". Mining Weekly. Besoek op 25 September 2012.
{{cite journal}}: Ongeldige|ref=harv(hulp)
Koördinate: 23°40′0″S 27°31′0″O / 23.66667°S 27.51667°O
| Hierdie artikel is in sy geheel of gedeeltelik vanuit die Engelse Wikipedia vertaal. |
