Whiplash

in Wikipedia, die vrye ensiklopedie
Whiplash
Regisseur Damien Chazelle
Produksieleier
Draaiboek Damien Chazelle
Met
Musiek deur Justin Hurwitz
Land Verenigde State van Amerika
Taal Engels
IMDb-profiel

Whiplash is 'n 2014 Amerikaanse dramarolprent wat deur Damien Chazelle geskryf en vervaardig is.

Dit handel oor die verhouding tussen 'n ambisieuse jong Jazz tromspeler, (gespeel deur Miles Teller) en sy hardvogtige instrukteur (gespeel deur J. K. Simmons). Paul Reiser en Melissa Benoist speel ook daarin.

Whiplash het sy premieropvoering ontvang in die "US Dramatic Category" tydens die 2014 Sundance Filmfees op 16 Januarie 2014 as die fees se openingsrolprent.[1]

Sony Pictures Worldwide het die internasionale verspreidingsregte daarvan bekom.[2] Die rolprent het op beperkte skaal begin wys in die VSA op 10 Oktober 2014 en geleidelik uitgebrei tot meer as 500 teaters tot die finale opvoering op 26 Maart 2015. Die rolprent het VS$49 miljoen verdien op 'n skamele produksiebegroting van slegs VS$3,3 miljoen.

Die rolprent het wydverspreide kritiese lof ontvang, met spesifieke lof vir Simmons se spel en vir die draaiboek van Chazelle. Tydens die 87ste Academy Awards toekenningsaand het die rolprent die pryse gewen vir Beste filmredigering, Beste Klankvermenging, en beste ondersteunende akteur vir Simmons. Dit was ook genomineer vir beste Aangepaste Draaiboek en Beste Prent.

Verwysings[wysig | wysig bron]

  1. Cohen, Sandy (17 Januarie 2014). "Sundance Film Festival 2014 opens with premiere of 'Whiplash,' Damien Chazelle's tale of a brutal drumming instructor and his protege". The Oregonian. Associated Press. Opgespoor op 18 Januarie 2014.
  2. Horn, John (16 January 2014). "Sundance 2014: Sony grabs international rights to 'Whiplash'". Los Angeles Times. Tribune Company. Opgespoor op 19 Januarie 2014