Wikipedia:Voorbladartikel week 2 2007

in Wikipedia, die vrye ensiklopedie
Jump to navigation Jump to search
nagtelike uitsig oor Los Angeles

Los Angeles is 'n groot, uitgestrekte metropool aan die weskus van die Verenigde State. Dit is die grootste stad in Kalifornië, en op een na die grootste stad in die Verenigde State, met 'n inwonertal van 4 100 000. In die metropolitaanse gebied van Los Angeles woon meer as 17 miljoen mense met uiteenlopende etniese en ekonomiese agtergronde. Die stad geniet 'n gematigde en sonnige klimaat. Los Angeles word in die ooste en noorde deur bergreekse omring. Noord van Los Angeles lê die San Fernandovallei, wat sowat een derde van die inwoners huisves. Die vallei word deur die Griffithpark en die Santa Monicaberge afgesny van Hollywood en die stadsentrum. Die filmindustrie is sterk verteenwoordig en is byna sinoniem met Hollywood. Soms word na Los Angeles as 'n "horisontale stad" verwys, aangesien daar min wolkekrabbers is en die stadsgebied oor 'n groot oppervlakte uitgebrei het.

Leer verder by Los Angeles