Wikipediabespreking:Skryfwedstryd 2010

Hierdie bladsy is vir vrae oor die Wikipedia-skryfwedstryd. Meer algemene vrae oor Wikipedia, byvoorbeeld artikelinhoud en wikisintaks, is welkom by die Geselshoekie. Kliek op "nuwe afdeling" hierbo, om 'n nuwe bespreking te begin.

Skep van gebruiker

Jammer , ek het dit bygevoeg, was net uitgeteken a.g.v. soek na die inteken skakel. Arno (kontak) 08:20, 27 Oktober 2009 (UTC)

Ek het so aangeneem n.a.v. jou vorige wysiging. Dankie daarvoor - ek moes self daaraan gedink het. Anrie (kontak) 08:21, 27 Oktober 2009 (UTC)

Vertaling

'n Vraag, vir die sekerheid: ons laat vertalings van ander Wikipedia-artikels ook toe, nie waar nie? Anrie (kontak) 16:34, 27 Oktober 2009 (UTC)

Baie goeie vraag. Wil ons oorspronklike artikels aanmoedig of wil ons artikels byvoeg vanaf ander tale of beide? Vertaling (en sekere saadjies) sal sekerlik minder werk wees maar ek sou nie graag die opsies wou uitsluit of hulle benadeel OF bevoordeel nie. Ek dink ons gaan moet 'n "merkblad" opstel van die spesifieke items wat ons gaan op beoordeel, insluitend die skale en gewigte van elke item. As ons dit reg kies dan behoort ons enige artikel te kan beoordeel op gelyke basis, of dit nou vertaal is of oorspronklik is of saadjie was.Arno (kontak) 17:19, 28 Oktober 2009 (UTC)

Ek sou persoonlik verkies dat ons vertaalde artikels nie toelaat nie, maar ek dink nie dit sou baie regverdig wees nie. Plus, 'n vertaling is nou nie juis soveel makliker as om self 'n artikel op te stel nie, as mens dit reg doen.

Ek sal in November/Desember 'n sogenaamde "beoordelingsmodel" opstel, soortgelyk aan een wat ons gebruik om werke by my kollege na te sien. Die huidige beoordelingskriteria word reeds op die projekblad genoem, maar ek stem saam dat nie alles miskien ewe swaar moet weeg nie (inhoud en styl is vir my die belangrikste). Anrie (kontak) 17:30, 28 Oktober 2009 (UTC)

Dit is nie vir my duidelik of vertalings toegelaat word of nie. Ek het eers vanoggend hierdie inskrywing van Anrie gelees en omdat die grootste gedeelte van my artikel 'n vertaling is, wil ek dringend weet wat die finale besluit is oor vertaalde artikels. Dit maak nie vir my sin dat vertalings nie in ag geneem word nie, want vertalings word in die algemeen aangemoedig vir Wikipedia artikels. Mstrydom (kontak) 13:39, 31 Desember 2009 (UTC)

Family

Is it possible that a Family member (mum) can help create/expand an article? I will help her/them with the wikipedia rules/format.Ben Bezuidenhout (kontak) 07:26, 2 November 2009 (UTC)

Sure, just create an account for her and enter her as part of your team. Anrie (kontak) 10:13, 2 November 2009 (UTC)

Inskrywings

Synde daar die aantal inskrywings vir die wedstryd ietwat aan die min kant is, het ek dit goedgedink om tog maar 'n paar skole te kontak. Indien daar iemand is wat kontak met skole het, sal dit gaaf wees as julle dit ook kan deurstuur.

Die brief wat ek wil deurstuur kan besigtig word by Lêer:Skryfwedstryd.pdf. Voorstelle of kommentaar sal waardeer word. Anders hoop ek om die brief die naweek te stuur, sodat dit Maandagoggend hopelik in die Afrikaanse onnies se posvakkies lê. In my e-posse aan die skole sal ek dan vraag om dit onder die Afrikaanse onderwysers/onderwyseresse se aandag te bring en ook 'n punt daarvan maak om te noem dat die kompetisie ook tydens die vakansie loop (baie skole is nou besig met eindeksamens en sal hulle dus waarskynlik nie te veel hieraan steur nie).

Dit hou ook in dat ek die sluitingsdatum vir inskrywings wil skuif na 'n latere datum, soos 31 Desember, indien ander nie probleme het daarmee nie. Anrie (kontak) 21:25, 11 November 2009 (UTC)

Anrie, baie danie vir jou moeite. Ek sal die brief persoonlik aan my Afrikaanse onderwyseres oorhandig. As jy nog die woordokument van die PDF het en dit nie te veel moeite is nie, het ek die volgende tikfoute opgelet wat vinnig gekorrigeer kan word: Paragraaf 3, reël 3 is "hulle" met één "l" geskryf. In die laaste paragraaf is die webadres as www.af.wikipedia.org geskryf. Ek weet nie of dit opsetlik so geskryf is nie, maar my Firefox stuur in elk geval outomaties aan na af.wikipedia.org wanneer ek daardie adres intik. Dalk kan jy onder die blou pen in donker grys skryf: "Vir volledige inligting en wedstrydreëls besoek af.wikipedia.org/wiki/Wikipedia:Skryfwedstryd" - alhoewel dit net 'n voorstel is. Verder lyk dit baie indrukwekkend. Hopelik werf ons 'n hele paar nuwe bydraers en selfs 'n paar langtermyn wikigemeenskapslede. — Adriaan (Bespreking • Bydraes) 11:18, 12 November 2009 (UTC)

Ek het die voorgestelde wysigings aangebring en die dokument weer opgelaai. Anrie (kontak) 10:59, 16 November 2009 (UTC)

Dankie - ek het dit nou na my skool aangestuur. — Adriaan (Bespreking • Bydraes) 11:24, 16 November 2009 (UTC)

Sluitingsdatum

Is daar enige manier dat die sluitingsdatum vir inskrywings dalk met 'n maand uitgestel kan word? Ek het die volgende boodskap van my skool ontvang:

Ek dink egter dat die sluitingsdatum hopeloos te vroeg is. Leerders skryf nog eksamen tot 4 Desember en daarna is hulle in 'n roekelose

vakansiestemming.

Ek glo nie die aanskuif van die sluitingsdatum gaan enigiemand benaadeel of bevoordeel nie? Of wat dink julle? Dit sal net bepaal hoeveel deelnemers ons het, glo ek. — Adriaan (Bespreking • Bydraes) 06:48, 18 November 2009 (UTC)

Dalk kan die registrasie-afsnydatum ook met 'n maand aangeskuif word, aangesien baie mense in Desember tyd sal vind om voor 1 Januarie te registreer, maar dalk nog nie om te begin skryf aan die onderwerpe nie. — Adriaan (Bespreking • Bydraes) 06:50, 18 November 2009 (UTC)

Ek het hierbo ook 'n uitstelling van die datum voorgestel. Dus gaan ek akkoord met jou voorstel. Indien Arno (die ander beoordelaar) geen besware hierteen het nie, sal ek dit teen die naweek wysig. Anrie (kontak) 12:22, 18 November 2009 (UTC)

Can I just mention people in the UK have exams all throughout January (including me) Ben Bezuidenhout (kontak) 17:51, 31 Desember 2009 (UTC)

Beoordeling

Ek en Arno is besig met die finale beoordeling - dit duur bietjie langer aangesien ons per e-pos kommunikeer. Anrie (kontak) 12:36, 6 Maart 2010 (UTC)

Dis nou 'n week sedert ek laas van Arno gehoor het. Ons het intussen reeds op die wenners besluit, maar moes slegs nog ooreenkom oor die uitleg ens. van die bekendmaking. Ek gaan dus maar voort daarmee, aangesien ek voel ons nie langer kan talm nie. Anrie (kontak) 09:52, 15 Maart 2010 (UTC)

Van my kant af wil ek net dankie sê vir al die deelnemers en die uitstekende kwaliteit van die beste drie. Mag hierdie artikels as inspirasie dien vir die res van ons. Lekker skryf verder! Arno (kontak) 12:20, 15 Maart 2010 (UTC)

@Anrie: interessante nuutskepping van jou - "vergemoeilik" bemoeilik - vergemaklik, of is dit nou 'n kontaminasie? Maar dankie vir jul harde werk. Waardeer... Erich

Gelukwense

Geluk aan die wenners van die skryfkompetisie. Mag ons nog vele heelwat sulke puik bydraes sien! --RAM (kontak) 10:18, 22 Maart 2010 (UTC)