Willem Bok

in Wikipedia, die vrye ensiklopedie
Jump to navigation Jump to search
Willem Eduard Bok
Willem Bok
Willem Eduard Bok

Ampstermyn
1880 – 1889
President Paul Kruger
Voorafgegaan deur Amp gestig
Opgevolg deur Willem Johannes Leyds

Persoonlike besonderhede
Gebore 28 Junie 1846
Den Burg, Texel, Nederland
Sterf 1 November 1904 (op 58)
Eggenoot/eggenote Alice van Albany
Religie Nederduitse Gereformeerde Kerk

Willem Eduard Bok (Den Burg, Texel, Nederland, 28 Junie 1846Johannesburg, Transvaal, 1 November 1904) was 'n Nederlands-Suid-Afrikaanse staatsman wat van 1880 tot 1889 die eerste Staatsekretaris van die Zuid-Afrikaansche Republiek was. Hy was 'n vriend en vertroueling van president Paul Kruger van die ZAR. Die stad Boksburg is na hom vernoem.

Biografie[wysig | wysig bron]

Hy is in 1846 in Holland gebore en vertrek in 1864 op die ouderdom van 20 na Engeland om in die tale te gaan studeer. Ná 'n kort loopbaan as handelaar kom hy op die ouderdom van 30 in die Zuid-Afrikaansche Republiek aan. Op aanbeveling van president Thomas François Burgers vestig hy hom in Pretoria in 1876, waar hy bevriend geraak het met die latere president Paul Kruger. Hy vergesel Kruger en die res van die Onafhanklikheidsafvaardiging na Londen nadat Groot-Brittanje die land annekseer.

Later word hy sekretaris van die Nasionale Komitee en sluit hom aan by die redaksie van Die Volkstem. Ná die Slag van Majuba was hy staatsekretaris van 1884 tot 1888. Hy was ook klerk van die Volksraad en regeringskommissaris van die toe pas ontdekte Witwatersrandse goudveld. In 1889 word hy as staatsekretaris vervang deur die Nederlandse staatsadvokaat Willem Johannes Leyds en Bok word die notulehouer van die Uitvoerende Raad. Van 1892 tot met die uitbreek van die Tweede Vryheidsoorlog, dien hy as regeringskommissaris in die Johannesburgse gesondheidskomitee

Sy neef Edward Bok was redakteur van die Ladies' Home Journal in die VSA.

Willem Bok is in 1904 in Johannesburg oorlede.

Bronne[wysig | wysig bron]