1884

Die jaar 1884 was 'n skrikkeljaar wat volgens die Gregoriaanse kalender op 'n Dinsdag begin het. Dit was die 84ste jaar van die 19de eeu n.C. In teenstelling met gewone jare het die jaar 366 dae en 'n 29 Februarie gehad.

Gebeure

• 4 Januarie – Die Fabian Society word in Londen gestig.
• 24 April - Die gebied tussen Kunene en Oranje word deur die konferensie van Berlyn onder beskerming van die Duitse Ryk geplaas.
• 4 Julie – Die Franse gee die Vryheidsbeeld Statue of Liberty aan die VSA.
• 5 Augustus – Stigting van die Nieuwe Republiek met Vryheid as die hoofstad.
• 7 Augustus – Die Duitse Ryk stuur die oorlogskepe Leipzig en Elisabeth na die Angra Pequenabaai in Suidwes-Afrika (Namibië) en neem die kolonie in besit.
• 10 November – Giuseppe Sarto (later Pous Pius X) word biskop van Mantua.
• Die eerste Duitse televisiepatent word aan die Berlynse student Paul Nipkow, uitvinder van die "Nipkow-skyf", verleen.
• Henry James publiseer sy nie-fiksie opstel The Art of Fiction.

Geboortes

• 16 Februarie – Robert J. Flaherty, Amerikaanse rolprentmaker en -regisseur († 1951).
• 24 Maart – Peter Debye, Amerikaanse chemikus en Nobelprys-wenner († 1966).
• 26 Maart – Wilhelm Backhaus, Duitse pianis en pedagoog († 1969).
• 8 Mei – Harry S. Truman, Amerikaanse politikus en staatsman, President van die Verenigde State († 1972).
• 21 Junie – Claude Auchinleck, Britse veldmaarskalk († 1981).
• 23 Julie – Emil Jannings, Duitse/Oostenrykse en Amerikaanse akteur en die eerste persoon wat ’n Oscar gewen het († 1950)
• 13 Augustus – Tobie Muller, NG predikant en Afrikaanse taalstryder († 1918).
• 6 September – Bob Loubser, Suid-Afrikaanse rugbyspeler en politikus († 1962).
• 7 September – Lydia van Niekerk, die eerste Afrikaanse vrou wat 'n professor geword het op Stellenbosch († 1929)
• 10 Oktober – F. Bordewijk, Nederlandse skrywer van romans, novelle, toneelstukke, prosagedigte, parodieë en kritiek († 1965).

Sterftes

• 6 Januarie – Gregor Mendel, Oostenrykse Augustynse monnik, bioloog en ontdekker van die grondslag van die genetika (* 1822).
• 8 Februarie – Cetshwayo, koning van die Zoeloes (* c. 1826).
• 29 Maart – Dr. Adrian Roux, tweede leraar van die NG Kerk wat in Suid-Afrika georden is (* 1812).
• 12 Mei – Bedřich Smetana, Tsjeggiese komponis (* 1824).
• 29 Mei – Sir Henry Bartle Frere, 'n Britse goewerneur aan die Kaapkolonie (* 1815).
• 30 Mei – Robert Godlonton, 'n pionier in die Kaapse koerantwese (* 1794).
• 10 Julie – Paul Morphy, Amerikaanse skaakspeler (* 1837).
• 14 Augustus – Arnoldus Pannevis, baanbreker van Afrikaans (* 1838).
• 10 Desember – Eduard Rüppell, Duitse natuurwetenskaplike en ontdekkingsreisiger in Afrika (* 1794).