Woordeboek

in Wikipedia, die vrye ensiklopedie
'n Latynse woordeboek.
Fragment van 'n Nederlands-Poolse woordeboek.

'n Woordeboek is 'n naslaanboek waarin die betekenis van die woorde van 'n sekere taal, of 'n sekere aspek van 'n taal, weergegee word.

Soorte woordeboeke[wysig | wysig bron]

Daar kan tussen verskillende soorte woordeboeke onderskei word:

Tweetalige woordeboek[wysig | wysig bron]

Sien ook: Lys van gedrukte Afrikaans-vreemdtalige woordeboeke

Die tweetalige woordeboek of vertalende woordeboek is die oudste soort woordeboek. Hierdie woordeboeke het ten doel om die betekenis van woorde van 'n vreemde taal in 'n taal weer te gee wat die raadpleger verstaan. Reeds in die middeleeue het daar al vele woordeboeke bestaan wat min of meer soos woordelyste opgestel is en ten doel gehad het om mense Latyn te leer. Sedert die einde van die middeleeue het daar ook woordeboeke vir moderne vreemde tale soos Frans en Hoogduits verskyn. Daar is gewoonlik twee dele in sulke woordeboeke: een deel vir die vertaling vanuit die vreemde taal en een deel vir vertaling in die vreemde taal. Gelykmatig

Verklarende woordeboek[wysig | wysig bron]

Die verklarende woordeboek is tans ongetwyfeld die mees geraadpleegde woordeboeksoort. Hierin word 'n groot aantal woorde van die moedertaal van die samesteller aangetref, en die betekenis van elke woord word in dieselfde taal omskryf. Die bekendste Afrikaanse verklarende woordeboek is die Handwoordeboek van die Afrikaanse Taal.

Veldgespesialiseerde woordeboek[wysig | wysig bron]

Woordeboeke in die biblioteek van die Accademia della Crusca te Florence, een van die oudste taalkundige verenigings ter wêreld

Die veldgespesialiseerde woordeboek of vakwoordeboek gee nie die woordeskat van 'n taal weer nie, maar slegs die vaktaal van 'n bepaalde groep mense, gewoonlik mense wat dieselfde vak beoefen. Daar bestaan beide verklarende woordeboeke en vertalende woordeboeke in hierdie kategorie.

Etimologiese woordeboek[wysig | wysig bron]

Die etimologiese woordeboek verduidelik die etimologie of herkoms van woorde.

Eksterne skakels[wysig | wysig bron]

Hierdie artikel is in sy geheel of gedeeltelik vanuit die Nederlandse Wikipedia vertaal.