Florence

in Wikipedia, die vrye ensiklopedie

Florence
Firenze

Kaart Wapen
Vlag
 Land Vlag van Italië Italië
 Administratiewe gewes Toskane
 Koördinate 43°46′N 11°15′O / 43.767°N 11.250°O / 43.767; 11.250
 Gestig op 59 v.C.
 Oppervlakte:  
 - Totaal 102,41 vk km
 Hoogte bo seevlak 50 m
 Bevolking:  
 - Totaal (2017) 382 258
 - Bevolkingsdigtheid 3 732,6vk/km
 - Metropolitaanse gebied 1 500 000
 Tydsone UTC +1 (MET)
 - Somertyd UTC +2 (MEST)
 Burgemeester Dario Nardella (PD)
 Amptelike webwerf comune.firenze.it
Vuurwerk oor die Ponte Vecchio of Ou Brug van Florence
Michelangelo se Dawid.
Die duomo

Florence (Italiaans: Firenze) is 'n stad in Italië, die hoofstad van die streek Toskane, en die provinsie Florence. Die stad het omtrent 382 000 inwoners en is aan die Arno-rivier geleë. Dit is die bakermat van die renaissance en hiermee een van die bekendste kultuurstede in Europa. Die historiese sentrum van Florence is in 1982 deur Unesco as wêrelderfenisgebied gelys.

Museums in Florence[wysig | wysig bron]

Belangrike museums in Florence sluit die Uffizi, geleë op die plein die Piazza della Signoria in, 'n kunsmuseum met skilderye van Leonardo da Vinci, Sandro Botticelli, Titiaan, Domenico Ghirlandaio, Hugo Van Der Goes en baie bekende Europese skilders; die Galleria dell'Accademia, met beeldhouwwerke (Michelangelo se 'David') en die Palazzo Pitti.

Sport[wysig | wysig bron]

Die Stadio Artemio Franchi met 43 000 sitplekke word vir beide sokker en rugby ingespan

Volgens oorlewering word in Florence sedert die 16de eeu Calcio storico fiorentino beoefen, wat baie ooreenkomste met beide sokker en rugby toon.[1]

In sokker word Florence deur die ACF Fiorentina in die Serie A verteenwoordig. Hulle het in 1956 en 1969 twee Italiaanse kampioenskappe gewen en ses Italiaanse bekers. Die klub speel sy tuiswedstryde op die Stadio Artemio Franchi met 'n kapasiteit van 43 147, wat ook beide die Italiaanse nasionale rugbyspan en sokkerspan gehuisves het. Daarbenewens is dit sowel tydens die FIFA Sokker-Wêreldbekertoernooi in 1934 as tydens die FIFA Sokker-Wêreldbekertoernooi in 1990 vir wedstryde ingespan.

Rugby is ook gewild in Florence: Sedert 2017 speel die I Medicei in die hoogste Italiaanse rugbyliga, Eccellenza. In 2016 het die Italiaanse nasionale rugbyspan op Stadio Artemio Franchi hul eerste oorwinning teen die Springbokke nog aangeteken.[2]

Verwysings[wysig | wysig bron]

  1. (en) Jake Halpern (4 Augustus 2008). "Balls and Blood". Sports Illustrated. Besoek op 2 Junie 2022.
  2. (en) "Italy celebrate famous first win over sorry South Africa". The Guardian. 9 November 2016. Besoek op 2 Junie 2022.

Eksterne skakels[wysig | wysig bron]

Amptelike webtuistes

Kuns, argitektuur en ontwerp
Toerisme