Rustenburgiet

in Wikipedia, die vrye ensiklopedie
Rustenburgiet
 
Formule Pt3Sn 
Nickel-Strunz (10) 1.AG.10  
Kleur wit met geel tint 
Glans metallies 
Hardheid
Strukturbericht-kode L1₂ 
Strukturbericht-kode A1 
Eenheidsel a=3,991 A
* Lys van minerale
Portaal Geologie

Rustenburgiet is 'n mineraal met formule Pt3Sn. Dit is 'n PGE-mineraal wat nouverwant aan die minerale atokiet en zvyagintseviet is. Navorsing[1] met sintetiese materiale het getoon dat die drie minerale lede is van een reeks mengkristalle met 'n algemene formule MI3MII waar MI = Pt of Pd en MII = Sn of Pb.

Mineraal MI MII
Rustenburgiet Pt Sn
Atokiet Pd Sn
Zvyagintseviet Pd Pb

Natuurlike rustenburgiet het gewoonlik Pd en Pb as onsuiwerhede, maar is gedefinier as Pt>Pd en Sn>Pb. Die sintetiese rustenburgiet- en atokietkristalle, wat stadig uit die smelt afgekoel is, het die geordende Cu3Au-struktuur gehad (ourikupried- L1₂), maar die natuurlike mineraal is baie aan spanning blootgestel, waarskynlik tydens die ertsverwerking en het 'n wanordelike rooster getoon, wat met die kubiese digpakking van die koperstruktuur (A1) ooreenkom. In binêre allooie van hierdie tipe is dit gebruiklik dat skielike afkoeling of later meganiese beskadiging die ordening kan verhoed of weer versteur.

Die mineraal is na die Rustenburgmyn naby Rustenburg genoem, maar dit kom op heelparty plekke in platinummyne in Suid-Afrika voor, soos Driekop, Sandsloot, Thabazimbi, Onverwacht, Amandelbult en Impala.[2]

Verwysings[wysig | wysig bron]

  1. Rustenburgite and atokite, two new platinum-group minerals of the Merensky reef, Bushveld igneous complex. P. Mihálik, S.A. Hiemstra, J.P.R. de Villiers Canadian Mineralogist 13, 1975 bls. 146-150.
  2. "mindat". Geargiveer vanaf die oorspronklike op 20 Mei 2020.

Eksterne skakels[wysig | wysig bron]