Al-Aqsamoskee

in Wikipedia, die vrye ensiklopedie
Spring na: navigasie, soek
Die suidelike klaagmuur van die Tempelberg. Die koepel van die Al Aqsa Moskee kan ook gesien word.
Die voorste ingang na die Al-Aqsamoskee.
Binnekant van die Al-Aqsamoskee

Die Al-Aqsamoskee (Die verste moskee in Arabies) verwys gewoonlik na die suidelike moskee in Jerusalem. Islamitiese wet bepaal egter dat die hele kompleks wat vandag as die Al-Haram al-Qudsi al-Sharif (Die Geseënde Heiligdom) aan Moslems bekend is, insluitende die Rotskoepel deel is van die Al-Aqsamoskee.[1][2][3]

Die Moskee se vergadersaal kan ongeveer 5 000 aanbidders huisves, terwyl die Al-Aqsamoskee kompleks in sy geheel etlike honderde duisende kan akkommodeer.[4]

Die regering van Israel het die Moslem-raad, die Waqf, volle administratiewe beheer oor die kompleks gegee. Nie-moslems word nie toegelaat om die moskee te betree nie.[5]

Geskiedenis[wysig]

Daar word deur baie geglo dat Salomo se tempel eens op 'n tyd op dieselfde plek gestaan het waar die moskee tans opgerig is. Daar word geglo dat die Romeinse Keiser Titus (toe nog 'n Generaal) in 70 n.C. die Joodse tempel wat deur Koning Herodus op die plek herbou is, vernietig het. Keiser Justinianus het in 530 n.C. 'n kerk ter ere van Moeder Maria op die plek opgerig wat later in die 7de eeu deur die Perse vernietig is.

Die huidige gebou is die resultaat van verskillende fases van bouwerk en verbeteringe. Daar word dat die bouwerk op die moskee deur Abd al-Malik (685-705), die Umayyad Kalief die bouwerk aan die moskee begin het.

Die gebou het onder verskeie aardbewings deurgeloop en is verbeter en herstel tydens die Abbasid periode deur die Kalief al-Mahdi (775-785) en moontlik ook deur die Kalief al-Mansur (754-775). Verdere bouwerk is ook gedoen tydens die Fatimid tydperk in die 11de eeu.

Na Jerusalem tydens die Eerste Kruisvaart verower is, is die Koninkryk van Jerusalem gevestig en is die Al-Aqsamoskee gebruik as die koninklike paleis van die Konings van Jerusalem.

Die Kruisvaarders het geglo dat die gebou bo op die bouvalle van Salomo se Tempel gebou is en het na die gebou verwys as die Templum Salomonis, terwyl hulle die Rotskoepel die Templum Domini (Die Tempel van God) genoem het.

Rondom 1119 het Koning Boudewyn II van Jerusalem het ook van die ruimte in een vleuel aan 'n nuwe orde toegedeel naamlik die Tempeliers. Die gebou was die hoofkwartier van die Tempeliers totdat Saladin die stad in 1187 verower het. Die Tempeliers het hul hoofkwartier toe na die kusstad Akko verskuif, wat hulle vir die volgende 100 jaar beset het en daarna na die eiland Ciprus.

Die moskee is verskeie kere gerestoureer tydens die 14de en 20ste eeue. Skade wat deur aardbewings veroorsaak is in 1927 en 1936 het dit bykans nodig gemaak om die moskee in sy geheel te herbou wat daartoe gelei het dat antieke dele van die oorspronklike moskee weer ontdek is. Die moskee is verskeie kere aangepas om dit teen aardbewings te beskerm en om aan die behoeftes van die plaaslike bevolking te voldoen. Die struktuur bly egter steeds in wese dieselfde as wat dit was na die herbouing deur die Kalief Al-Dhahir in 1033 n.C

Verwysings[wysig]

  1. Al-Masjid Al-Aqsa is die oudste Islamitiese naam vir die gebied en is gebruik totdat die Mamelukke die term "al-Haram al-Qudsi al-Sharif" begin gebruik het. (M.H. Burguoyne, Mamluk Jerusalem, London, 1987; Aref al-Aref, The Detailed in the History of Jerusalem, 1961, p. 219; Oleg Grabar, The Haram al-Sharif: An essay in interpretation, BRIIFS vol. 2, no. 2 (Herfs 2000).
  2. Ibn Taymiyah, A Great Compilation of Fatwa, Vol2, page 62.
  3. Palestinian Encyclopedia Volume 4, pp. 203
  4. Op 31 Desember 1999 het meer as 400 000 Moslem aanbidders die Vrydag gebede by die al-Aqsamoskee kompleks bygewoon [1]. Sien ook [2] en [3]
  5. Reisiger webwerf met inligting oor die moskee