Baardaasvoël
vanuit Wikipedia, die vrye ensiklopedie.
| Lammervanger of baardaasvoël | ||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
| Bewaringstatus | ||||||||||||||
| Wetenskaplike klassifikasie | ||||||||||||||
|
||||||||||||||
| Binomiale naam | ||||||||||||||
| Gypaetus barbatus (Linnaeus, 1758) |
Die lammervanger of baardaasvoël, G. barbatus is 'n ou-wêreldse aasvoël, die enigste lid van die genus: Gypaetus. Dit is 'n bedreigde spesie in Suider-Afrika.
Soos ander aasvoëls, is die spesie 'n aasvreter wat die karkasse van dooie diere vreet. Dit laat val bene uit die lug om die murg in die hande te kry as die been breek. Soortgelyk word lewende skilpaaie ook uit die lug laat val om hulle te laat oopbars.
Volgens legende is die Griekse toneelskrywer Aischylos oorlede na 'n skilpad deur 'n lammervanger op sy kop laat val het, wat gedink het dis 'n klip.
Inhoud |
[wysig] Identifikasie
Die algemene baardaasvoël is ongeveer 110cm lank en het lang, smal, gepunte vlerke met 'n lang v-stert, asook donker vere op die bokant en bruin-kleurige onderkant. Die baardaasvoël het 'n swart masker op sy gesig wat aan die onderkant 'n baard vorm. Anders as meeste aasvoëls het 'n baardaasvoël nie 'n bles kop nie.
[wysig] Habitat
Baardaasvoëls verkies hoë berge of kranse of ander bergagtige gebiede met 'n hoogte van 500m tot 4000m (meestal 2000m) bo seespieël.
[wysig] Voortplanting
Die voëls broei op kranslyste; hulle paar van mid-Desember tot mid-Februarie en lê een tot twee eiers. Die eiers neem tussen 53 en 58 dae om uit te broei. Die nuutgebore voëltjies spandeer 106 tot 130 dae in die nes, waarna hulle op hulle eie wegvlieg.
[wysig] Verspreiding
Baardaasvoëls kom voor in Suidelike Europa, Afrika, Indië en Tibet. In Suider-Afrika is hulle beperk tot die Drakensberge.
[wysig] Geluid
'n Uiters stil voël, maar is wel in staat tot 'n baie skerp fluit-geluid, wat veral tydens die paarseisoen gehoor word.
[wysig] Ander name
- Ander Afrikaanse name: Lammergeier
- Nederlands: Lammergier
- Engels: Lammergeier / Bearded Vulture
- Wetenskaplike naam: Gypaetus barbatus
[wysig] Galery
 Lammergeier |
 Gypaetus barbatus |
 Mei 2005 |
 Detail van kop |
[wysig] Sien ook
- Alfabetiese lys van Suid-Afrikaanse voëls
- Klassifikasie-indeks van Suid-Afrikaanse voëls
- Wetenskaplike naam-indeks van Suid-Afrikaanse voëls
[wysig] Verwysings
- ^ BirdLife International (2008). Gypaetus barbatus. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 1 November 2008. Databasis inskrywing gee kort verdediging hoekom hierdie spesie nie bedreigd is nie.
