Brandewyn
Brandewyn (Engels: brandywine, Nederlands: brandewijn — gedistilleerde wyn) is 'n algemene naam vir gedistilleerde wyn, wat gewoonlik 40–60% etielalkohol per volume bevat.
Dit word ook gebruik om spiritualieë wat vanuit ander vrugte gedistilleer word, aan te dui, soos byvoorbeeld pruimbrandewyn.
Die Europese Unie beskerm Konjak as die naam vir brandewyn wat eksklusief in die Cognacstreek van Frankryk gemaak word deur middel van tradisionele metodes, en net so vir Armagnac vanuit die Armagnacstreek van Frankryk.
Gesondheidseienskappe [wysig]
Indien matig gebruik, is brandewyn 'n gesonde drankie. Dit help met die verligting van verkoue en griep, asook met sinusitis en die oopmaak van die asemhalingstelsel. Dit is 'n bekende digestief wat met spysvertering help. Voorts is dit 'n bloedverdunner en teenwerker vir cholesterol. Weens sy gesondheidseienskappe het mense reeds van oudsher brandewyn eau de vie (water van die lewe) gedoop.
Brandewyn is suiwer in die sin dat geen preserveermiddels bygevoeg word nie. In hierdie opsig word brandewyn van natuurlike wyn onderskei, aangesien daar in die vervaardigingsproses van natuurlike wyn swaweldioksied as preserveermiddel bygevoeg word.
