Denis Diderot

in Wikipedia, die vrye ensiklopedie
Denis Diderot
Denis Diderot, Portret deur Louis-Michel van Loo, 1767

Gebore 5 Oktober 1713
Langres, Frankryk
Oorlede 31 Julie 1784 (op 70)
Parys, Frankryk
Nasionaliteit Vlag van Frankryk Frankryk
Vakgebied Fatalisme, ateïsme, politieke filosofie, determinisme
Beïnvloed deur Baruch Spinoza, John Locke, Voltaire, Miguel de Cervantes, Laurence Sterne, Niccolò Machiavelli, Samuel Richardson, Isaac Newton, Lucretius, René Descartes
Invloed op Étienne Bonnot de Condillac, Baron d'Holbach, Johann Wolfgang von Goethe, Milan Kundera, Günter Grass, Jacques Barzun
Handtekening
Diderot se reis vanaf Parys tot Sint Petersburg (1773–1774). Die blou lyn vertoon die reis tot Sint Petersburg vanaf 11 Junie 1773 tot 8 Oktober 1773 en die rooi lyn vertoon die terugkeer ná Parys tussen 5 Maart 1774 en 21 Oktober 1774

Denis Diderot (* 5 Oktober 1713 in Langres (Champagne-Ardenne); † 31 Julie 1784 in Parys) was 'n Franse skrywer en Verligtingsfilosoof. Diderot het in die skadu van ander Europese filosowe van die Verligtingstydperk gestaan soos Voltaire en Jean-Jacques Rousseau, maar saam met Jean-Baptiste le Rond d'Alembert bekendheid verwerf as redakteur van die groot Franse Encyclopédie ou Dictionnaire raisonné des sciences, des arts et des métiers.

Diderot was 'n verteenwoordiger van die materialistiese stroming binne die Franse Verligtingsfilosofie wat alle dinge op suiwer kausale verhoudings teruggevoer het. In sy vroeë geskrifte en romans (waaronder Pensées philosophiques of "Filosofiese gedagtes", 1746) het Diderot kwessies rondom menslike insigvermoë en die moontlikheid van sekere kennis en waarheid behandel.

Sy filosofiese romans weerspieël sy skeptiese lewensbeskouing. Diderot lewer hier kritiek op bestaande magstrukture en ontwikkel die idee van 'n ideale en vrye samelewing waarin die mens as indiwidu sentraal staan. Diderot word met sy oortuigings as een van die wegbereiders vir die Franse Rewolusie beskou.