Dinuzulu

in Wikipedia, die vrye ensiklopedie
Spring na: navigasie, soek
Dinuzulu
Koning van die Zoeloenasie
Dinizulu.jpg
Foto van Dinuzulu, ca. 1883
Dinastie Huis van die Zoeloe
Bewind 20 Mei 1884 - 1913
Volle naam Dinuzulu kaCetshwayo
Gebore 1868
Gesterf 18 Oktober 1913
Voorganger Cetshwayo
Opvolger Solomon kaDinuzulu
Kinders Cyprian Bhekuzulu kaSolomon
Vader Cetshwayo

Dinuzulu kaCetshwayo (1868-1913) was die Koning van die Zoeloenasie van 20 Mei 1884 tot met sy dood in 1913.

Anglo-Zoeloeoorlog[wysig]

Dinuzulu het sy vader Cetshwayo in 1884 opgevolg. Teen die einde van die Anglo-Zoeloe-oorlog is Cetshwayo op 28 Augustus 1879 in die Ngomewoud deur Britse dragonders gevang. Die Zoeloe-koninkryk is daarna deur die Britse owerheid in 13 kleiner gebiede opgedeel waarvan Cetshwayo slegs een een sou administreer. Die reëling was onwerkbaar en nadat Cetshwayo in 1882 toegelaat is om na Engeland te reis vir 'n oudiënsie met Koningin Victoria is hy weer as opperhoof aanstel en in die geheim na Zoeloeland teruggebring op 10 Januarie 1883. Sir Theophilus Shepstone het Cetshwayo se restorasie op 29 Januarie gereël. Hy is nie toegelaat om weer 'n leër te hê om sy nasie te verdedig nie en die grondgebied van die nasie is ook effens verklein aangesien die reëlings bepaal het dat die noorde van Zoeloeland onder die beheer van Zibhebhu kaMaphitha geplaas word.

Teen 1882 het verskille tussen twee Zoeloe faksies – pro-Cetshwayo uSsutus en die wedywerende hoofmanne uZibhebhu – uitgebreek in bloedvetes en burgeroorlog. In 1883 het die Britte gepoog om Cetshwayo te herinstalleer om ten minste oor 'n deel van sy vorige gebied te heers, maar die poging het misluk. Hoofman UZibhebhu het 'n opvolgingsoorlog begin – met bystand van berede Boere huursoldate – en op 22 Julie 1883 het hy Cetshwayo se nuwe kraal in Ulundi aangeval. Cetshwayo is gewond maar het na Nkandlawoud gevlug. Na pleidooie van die Resident Kommissaris, Sir Melmoth Osborn, het die koning na Eshowe geskuif waar hy 'n paar maande later oorlede is, oënskynlik van 'n hartaanval, maar moontlik as gevolg van vergiftiging.[1]

Verwysings[wysig]

Voorafgegaan deur:
Cetshwayo
Koning van die Zoeloenasie
18841913
Opgevolg deur:
Solomon kaDinuzulu