Nkandla
 |
Hierdie artikel moet skoongemaak of andersins verbeter word. Hierdie artikel voldoen nie tans aan die hoë gehaltestandaarde waarna Wikipedia streef nie. Voel vry om self in te spring en verbeterings te maak, en verwyder hierdie kennisgewing ná die tyd. Vir meer hulp, sien die redigeringshulp. Daar is moontlik kommentaar in die artikel of op die besprekingsblad oor wat verbeter moet word. |
| Nkandla | |
.svg)  Nkandla
|
|
| Koördinate: | |
|---|---|
| Land |  Suid-Afrika |
| Provinsie | KwaZulu-Natal |
| Distriksmunisipaliteit | uThungulu |
| Plaaslike Munisipaliteit | Nkandla |
| Tydsone | SAST (UTC+2) |
Nkandla is 'n dorp en plaaslike Munisipaliteit binne die uThungulu distrikraad in noordoos KwaZoeloe-Natal. Dit is ongeveer 280km noord van Durban geleë.[1] Die naam Nkandla is afgelei van die Zoeloe werkwoord khandla wat beteken "om moeg te word, uitgeput te word of om uit te strek". Die Zoeloe koning Shaka het volgens oorlewering gesê dat hy uitgeput was nadat hy 'n dispuut in die omgewing besleg het.[2].
Inhoud |
[wysig] Ligging en omgewing
Die dorp Nkandla is geleë op die kruising van vier belangrike roetes wat suid na Kranskop en Pietermaritzburg lei, wes na Vryheid, noord na Ulundi, en oos na Eshowe, uMhlathuze en die kus. Die Nkandla Munisipaliteit is een van ses plaaslike munisipaliteite in die uThungulu Distrik Munisipaliteit. Die grootste gedeelte van die bevolking leef in nedersettings versprei oor die stamowerheid gebied wat die grootste deel van die munisipaliteit beslaan. Die oppervlak van die Nkandla munisipaliteit is ongeveer 1 827 vierkante kilometer groot waarvan 98% stam- en staatsgrond is. Meeste van die stamgrond behoort aan die Ingonyama Trust. Daar is 18 amakhosi (tradisionele leiers) in die gebied.[1] Nkandla het 'n bevolking van 140 000 waarvan byna die helfte (46%) onder 15-jaar oud is.[3]
[wysig] Ekonomie
Nkandla is 'n baie arm gebied. Nkandla se ekonomiese groei in die periode 1985 tot 1995 is op 12,3% geskat. Ten spyte van die hoë groeikoers bly dit een van die armste gebiede in Uthungulu.[4] Meeste mense het nie genoeg om te eet nie, ontbreek aan behoorlike behuising, sanitasie, water en elektrisiteit. Die werkloosheidsyfer in die gebied is 90% en meeste huishouding word deur vroue aangevoer. Ongeveer 'n derde van die bevolking het 'n primêre opvoeding en slegs 3% vorder tot by graad twaalf. Daar is 127 laerskole en 45 hoërskole en een biblioteek in die gebied. Daar is twee hospitale en 18 klinieke in die gebied. Sommige van die klinieke het nie lopende water nie. VIGS het die reeds benaderde toestande in Nkandla verder vererger.[3]
[wysig] Woude en geskiedenis
Die Nkandla gebied beskik oor 'n rykdom van onversteurde inheemse woude. Die Nkandlawoud is die tuiste van die bedreigde Karkloof Blou Vlinder. Nkandla maak aanspraak daarop om die wieg van Zoeloe geskiedenis te wees. Nkandla was van Malandela tot Shaka, tot Dingaan en Cetshwayo, Nkandla in die middelpunt van Zoeloegeskiedenis. Die grafte van Koning Malandela en Cetshwayo is in Nkandla geleë. Shaka se gevreesde kort assegaaie is in die gebied gesmee en Shaka en Zwide se oorlog is in die Nkandlawoud geveg. Verder het baie van die vegters in die Bambatha Rebellie van 1906 in die woud geskuil en hulle operasies van daar beplan. Die graf van Sgananda, een van die leiers van die Bambatha rebellie is oorkant die Ndlamadodaberg omtrent 3km van Nkandla geleë.[2]
[wysig] Natuurreservaat
Die Matshenezimpisi Natuurreservaat in die omgewing is 'n ekotoerisme projek met 'n inheemse woud, 'n waterval waar die Ntumbenirivier by die Mhlathuzerivier aansluit en wild soos sebra en impala voorkom. Die reservaat beskik oor 'n aantal chalets en 'n veeldoelige saal. Die Qhudeniwoud is 'n inheemse woud in die gebied met 'n waterval wat Manzawayo (vallende water) genoem word.[2]
Die Ntingwe teeplantasie is in die noordoostelike deel van die gebied geleë. Tee van die plantasie word na die Verenigde Koninkryk uitgevoer.[2]
Die ander dorpe in die munisipale gebied is: Dlolwana, Qudeni en Randalhurst.[1]
[wysig] Sien ook
[wysig] Verwysings
- ^ 1,0 1,1 1,2 KwaZulu-Natal Top Business Portfolio, NKANDLA MUNICIPALITY, Besoek op 19 Desember 2007
- ^ 2,0 2,1 2,2 2,3 Zulu People..., Nkandla in KwaZulu Natal Was named When Shaka Shaka Went To Resolve a Dispute in The Area, Besoek op 19 Desember 2007
- ^ 3,0 3,1 the AFRICA Project, About Nkandla..., Besoek op 19 Desember 2007
- ^ Nkandla Municipality Integrated Development Plan 2005-06 [1]
