Droogdok

Duikboot in 'n droogdok.

'n Droogdok kan verwys na 'n vaste gebou of gespesialiseerde skip (dryfdok) wat gebruik word om skepe te diens en te herstel. Beide gebruik meganiese pompe om die skip droog te lê sodat daaraan gewerk kan word.

Drywende droogdok

Twee drywende dokke lang mekaar; een leeg, die ander met 'n skip.

Die Thompson droogdok (269 m lank) waar die Titanic gebou is (Belfast), destyds die grootste droogdok in die wêreld. Die White Star Line-kantore en 'n Harland and Wolff brugkraan kan in die agtergrond gesien word.

Pompe (1911) om die Thompson-droogdok te beheer (waar die Titanic gebou is)

'n Drywende droogdok is 'n gespesialiseerde skip met 'n U-vormige romp, wat gebruik word vir die herwinning, onderhoud of herstelwerk wat aan skepe of bote verrig moet word.

Dit is toegerus is met watertenks of -kamers wat met behulp van kleppe met water gevul of leeggemaak kan word. Wanneer hierdie tenks volgemaak word, dryf die droogdok dieper in die water en 'n skip kan dan in posisie gebring word in die U-vormige romp. Daarna word die water uitgepomp, wat die dok vlakker laat dryf en die skip bokant die water uitlig. Hierna kan die dok met skip en al na 'n geskikte plek gesleep word, waar herstelwerk gedoen kan word. Drywende droogdokke is gedurende die Tweede Wêreldoorlog algemeen gebruik om herstelwerk aan skepe in verafgeleë gebiede te doen. Daar kon verskeie van hierdie dokke aan mekaar gekoppel word om groter skepe te hanteer.

Glentana

'n Bekende droogdok het op Saterdag, 1 November 1902, om 18:20 sy laaste rusplek gevind. by Glentana, 'n pragtige strandgebied 'n paar kilometer oos van Mosselbaai, naby Heroldsbaai.

Sien die Doks van Glentana.

Eksterne skakels

• Engelse Wikipedia artikel Dry dock