1988

1988

◄ | 19de eeu | ◄ 20ste eeu ► | 21ste eeu | ►

Kalenders

[wysig] Gebeure

18 Maart - Die Hugenotetonnel op die N1-hoofweg tussen die Paarl en Worcester (Wes-Kaap, Suid-Afrika) word amptelik geopen.
25 April - John Demjanuk, bekend as "Iwan die Verskriklike" in die Treblinka verdelgingskamp, ontvang 'n doodsvonnis in Israel vir sy oorlogsoortredings tydens die Tweede Wêreldoorlog.
3 Junie - Die Litause hervormingsbeweging Sajūdis word deur bekende persoonlikhede, waaronder wetenskaplikes en kunstenaars, gestig.
30 Augustus - Die laaste Suid-Afrikaanse magte word uit Angola onttrek.
12 September - Die Suid-Afrikaanse Staatspresident Pieter Willem Botha lê 'n amptelike besoek aan Mosambiek af, een van die sogenaamde "Frontliniestate".
13 September - President Pieter Willem Botha besoek Malawi en beraadslaag met die president Kamuzu Banda.
1 Oktober - President PW Botha besoek Zaïre (die huidige Demokratiese Republiek van Kongo) en beraadslaag met President Mobutu Sese Seko.
11 Oktober - President PW Botha en die Minister van Buitelandse Sake, Pik Botha, beraadslaag in Switserland met internasionale nyweraars en bankiers nadat hulle die begrafnis van die Duitse deelstaat Beiere se Eerste Minister, Franz Josef Strauß, bygewoon het.
17 November - Die regsgesinde Blanke Bevrydingsbeweging (BBB) word deur die Minister van Wet en Orde, Adriaan Vlok, verbied.
24 November - Die Boksburgse stadsraad besluit om 'n aantal ou kleinapartheidsmaatreëls weer in te stel. Swart verbruikers begin 'n boikot van blanke winkels.

17 Junie - Percy Qoboza, redakteur van die dagblad City Press en pionier van die swart joernalistiek
22 November - Die Australies-gebore Suid-Afrikaanse professor Raymond Dart, een van die wêreld se voorste antropoloë, sterf op die ouderdom van 95 jaar in Johannesburg.