Frank Opperman

Frank Opperman
Geboorte	8 Junie 1960 Johannesburg, Suid-Afrika
Beroep(e)	Akteur, musikant
Webwerf	frankopperman.co.za
Musiekportaal

Frank Opperman (gebore 8 Junie 1960 in Johannesburg) is 'n bekende Suid-Afrikaanse akteur en musikant. Hy het bekendheid verwerf met die rol Ouboet van Tonder in die TV-reeks Orkney Snork Nie.

Opperman matrikuleer in 1978 by die Hoërskool Silverton in Pretoria nadat hy verskeie skole in Worcester, Benoni, Hermanus en Middelburg bygewoon het. In 1979 begin hy om regte te studeer, maar verloor gou belangstelling. In 1980 sluit hy by die weermag aan waar hy in die militêre orkes speel. Na militêre diens voltooi hy 'n Nasionale Drama-diploma by die Technikon Pretoria.

In 1988 trou Opperman met die Suid-Afrikaanse aktrise Susan Coetzer, maar hulle skei in 1992. Hulle het een seun, Frankie.

Diskografie

Opperman se albums:

• Let´s Be Frank, 2008
• Frankie O, SELECT
• Serial Boyfriend, 1999 GALLO

Toneelstukke

Van sy toneelstukke:

• Wyk 14 (teks, Dana Snyman, regie Nicky Rebelo)
• Die Uwe Pottie Potgieter (teks, Dana Snyman, regie, Maritz Albert)

Filmografie

Van die rolprente waarin Opperman gespeel het:

• Hond se Dinges, 2009 as Rommel
• Vaatjie sien sy gat, 2008
• The Company You Keep, 2003 as Ortega
• Kaalgat tussen die Daisies, 1997
• Orkney Snork Nie (Die Moewie), 1992
• Boetie gaan border toe, 1984 as De Kock

• 25 Vrouens
• Gehang
• Meneer de Beer

TV-programme

• Orkney Snork Nie

Sien ook

• Afrikaanse musiek
• Lys van Suid-Afrikaanse musikante

Eksterne skakels

• Opperman se amptelike webtuiste
• www.tvsa.co.za
• The Loser Show op YouTube
• Frank Opperman in die Internet-rolprentdatabasis