Georgies-Ortodokse en Apostoliese Kerk

Die Glorie van Iwerië, ’n ikoon wat die stigting van die Georgies-Ortodokse Kerk voorstel. Iwerië is ’n ou naam vir Georgië wat dikwels in die Kerk gebruik word.

Die Georgies-Ortodokse en Apostoliese Kerk (Georgies: საქართველოს სამოციქულო მართლმადიდებელი ავტოკეფალური ეკლესია, sakartwelos samocikoelo martlmadidebeli awtok'epaloeri ek'lesia) is ’n onafhanklike Oosters-Ortodokse Kerk en is in volle gemeenskap met die ander Oosters-Ortodokse kerke. Die primaat van die kerk het die titel Sy Heiligheid en Saligheid Katolikos-patriarg van die Hele Georgië, die Aartsbiskop van Mtskheta-Tbilisi en Metropoliese Biskop van Abchasië en Pitsoenda.

Georgiese Ortodoksie is sedert die 4de eeu die staatsgodsdiens van Georgië en dit is steeds die land se grootste godsdiensinstelling. Die grondwet erken die besonderse rol van die Kerk in die land se geskiedenis, maar bepaal dat die Kerk onafhanklik van die staat is.

Eksterne skakels

• Patriargaat van die Georgies-Ortodokse Kerk
• Georgiese webtuiste oor Georgiese Ortodoksie
• Russiese webtuiste oor Georgiese Ortodoksie

Oosters-Ortodokse Kerke in gemeenskap

Ekumeniese Patriargaat van Konstantinopel • Grieks-Ortodokse Kerk van Alexandrië • Grieks-Ortodokse Kerk van Antiochië • Grieks-Ortodokse Patriargaat van Jerusalem • Russies-Ortodokse Kerk • Georgies-Ortodokse en Apostoliese Kerk • Serwies-Ortodokse Kerk • Roemeens-Ortodokse Kerk • Bulgaars-Ortodokse Kerk • Kerk van Siprus • Kerk van Griekeland • Pools-Ortodokse Kerk • Ortodokse Onafhanklike Kerk van Albanië • Ortodokse Kerk van Tsjeggië en Slowakye • (Ortodokse Kerk in Amerika)