Roemeens-Ortodokse Kerk

Die Paleis van die Roemeense Patriargaat (voorheen die Paleis van die Kamer van Afgevaardigdes) in Boekarest, Roemenië.

Die Roemeens-Ortodokse Kerk (Roemeens: Biserica Ortodoxă Română) is ’n onafhanklike Oosters-Ortodokse Kerk. Dit is in volle gemeenskap met ander Oosters-Ortodokse kerke en word sewende geplaas in terme van senioriteit. Die primaat van die kerk het die titel Aartsbiskop van Boekarest, Metropoliet van Walachië en Patriarg van die Hele Roemenië. Die kerk se jurisdiksie dek die hele Roemenië, met aartsbisdomme vir Roemene wat in die nabygeleë Moldowa, Serwië en Hongarye woon, asook kerkgemeenskappe in Sentraal- en Wes-Europa, Noord-Amerika en Oseanië.

Dit is die enigste Oosters-Ortodokse kerk wat ’n Romaanse taal gebruik. Die meeste mense in Roemenië (18 817 975, of 86,8% van die bevolking volgens die 2002-sensus) behoort daartoe, sowel as sowat 720 000 Moldowiërs. Die kerk is naas die Russies-Ortodokse Kerk die grootste Ortodokse kerk.

Eksterne skakels

• Roemeense patriargaat
• Aartsbisdom van Boekarest
• Roemeense patriarge

Oosters-Ortodokse Kerke in gemeenskap

Ekumeniese Patriargaat van Konstantinopel • Grieks-Ortodokse Kerk van Alexandrië • Grieks-Ortodokse Kerk van Antiochië • Grieks-Ortodokse Patriargaat van Jerusalem • Russies-Ortodokse Kerk • Georgies-Ortodokse en Apostoliese Kerk • Serwies-Ortodokse Kerk • Roemeens-Ortodokse Kerk • Bulgaars-Ortodokse Kerk • Kerk van Siprus • Kerk van Griekeland • Pools-Ortodokse Kerk • Ortodokse Onafhanklike Kerk van Albanië • Ortodokse Kerk van Tsjeggië en Slowakye • (Ortodokse Kerk in Amerika)