Gill-kollege

Dr. William Gill se ruim erflating het die stigting van Gill-kollege moontlik gemaak.

Gill-kollege soos die skool daar uitgesien het in 1935 nadat die "nuwe blok" (links op die foto) voltooi is.

Gill-kollege is 'n bekende hoërskool op Somerset-Oos in die Oos-Kaap. Dit is in 1867 gestig met behulp van 'n erflating van dr. William Gill, wat die Somerset Reading Society in 1832 gestig het. Hy het geld nagelaat vir die stigting en onderhoud van 'n inrigting van hoër onderwys in die Oos-Kaap.

Die kollege was een van die eerste inrigtings in die land wat vroue toegelaat het. Die tersiêre afdeling het met die stigting van die Rhodes-universiteitskollege in 1904 verdwyn, maar die skool het bly voortleef en beurse aangebied vir verdere studie. Vandag is dit 'n tweetalige skool.

Bekende alumni

Baie bekende Suid-Afrikaners het hier gestudeer, onder meer:

• sir James Rose-Innes, hoofregter.

Eksterne skakels

• Die skool se eie webwerf