Oos-Kaap
|
|
||
 |
||
 |
||
| Hoofstad | Bhisho (voorheen Bisho) | |
| Grootste stad | Port Elizabeth | |
| Premier | Noxolo Kieviet (ANC) | |
| Oppervlakte - Totaal |
Geranglys 2de 169 580 vk km |
|
| Bevolking[1] - Totaal (2011) - Bev.digtheid |
Geranglys 3de 6 562 053 39 / vk km |
|
| Tale[1] | Xhosa (78,8%) Afrikaans (10,6%) Engels (5,6%) |
|
| Etniese verdeling[1] | Swartes (86,3%) Kleurlinge (8,3%) Blankes (4,7%) Asiërs (0,4%) |
|
Die Oos-Kaap (Engels: Eastern Cape, Xhosa IPhondo yaMpuma-Koloni) is een van die nege provinsies van Suid-Afrika. Die hoofstad is Bhisho. Die provinsie is in 1994 gevorm met die samevoeging van die oostelike deel van die voormalige Kaapprovinsie en die "tuislande" Ciskei en Transkei.
Die stede en belangrikste dorpe is Port Elizabeth, Oos-Londen, Grahamstad, King William's Town, Queenstown, Uitenhage, Jeffreysbaai, Mthatha (voorheen Umtata), Aliwal-Noord, Graaff-Reinet en Cradock.
Inhoud |
Demografie [wysig]
- Bevolking (2001-sensus): 6 436 763.
- Tale: Xhosa (83,4%), gevolg deur Afrikaans (9,3%).
- Godsdiens: Christendom 87,1% (2001)
Geografie [wysig]
- Oppervlakte: Sowat 169 580 km2.
Ligging en topografie [wysig]
Die provinsie lê in die suidooste van Suid-Afrika aan die Indiese Oseaan. Dit word in die noorde begrens deur die Vrystaat, Lesotho en KwaZulu-Natal en in die weste deur die Wes-Kaap en Noord-Kaap. Daar is groot verskille in die landskap, wat wissel van manjifieke strande in die suide en ooste tot grasvlaktes in die oostelike binneland en 'n deel van die barre Groot Karoo in die noordweste. Daar is uitgebreide woude in die suide. 'n Reeks bergreekse loop deur die middel van die Oos-Kaap, en die Witteberge en Drakensberg lê aan die provinsie se noordoosgrens. Die kusstreek vanaf die Groot-Keirivier in die suide tot by Port Edward in die noorde staan bekend as die Wildekus.
Ekonomie [wysig]
Die groot stede Port Elizabeth en Oos-Londen huisves 'n aantal motorvervaardigers en verskeie groot maatskappye. Fabrieke van Volkswagen, Ford, General Motors, Daimler Chrysler, Good Year, Nestlé, Johnson & Johnson, Aspen (farmaseuties) en andere word hier aangetref. Maar die res van die Oos-Kaap is veral landbougebied, wat sitrus- en ander vrugte, mielies en sorghum produseer. Die omgewing rondom Stutterheim bestaan uit bosbouplantasies. Die provinsie het ook bees- en skaapplase, laasgenoemde veral in die Groot Karoo. Die oorde wat al langs die Oos-Kaapse kus lê, het groot toerismepotensiaal. Die provinsie se hawens is Port Elizabeth, Oos-Londen en 'n groot nuwe Suid-Afrikaanse hawe, dié van Ngqura (of Coega). Laasgenoemde is 20 km noordoos van Port Elizabeth se hawe aangelê -- aan die mond van die Coegarivier in Algoabaai. Die hawe van Ngqura het in 2011 sy eerste handelsboot verwelkom, en is in Maart 2012 amptelik geopen deur President Zuma.
Bronne [wysig]
Verwysings [wysig]
- ↑ 1,0 1,1 1,2 statssa.gov.za - 2011-sensus
Eksterne skakels [wysig]
- (en) Die Oos-Kaap
| Provinsies van Suid-Afrika |  |
|---|---|
| Gauteng | KwaZulu-Natal | Limpopo | Mpumalanga | Noord-Kaap | Noordwes | Oos-Kaap | Vrystaat | Wes-Kaap | |
|
|||||||||||||||||||||||||||
.svg)
