Grammy

in Wikipedia, die vrye ensiklopedie
  Grammy 

Bette Midler met haar Grammy in 1990.
Bette Midler met haar Grammy in 1990.
Toegeken vir Uitmuntendheid in die musiekbedryf
Borg The Recording Academy
Land Vlag van Verenigde State van Amerika Verenigde State
Vorige naam Gramophone Award
Eerste toekenning 4 Mei 1959 (1959-05-04) (64 jaar oud)
Webtuiste grammy.com

’n Grammy (oorspronklik Gramophone Award) is ’n prys van die Amerikaanse National Academy of Recording Arts and Sciences (NARAS) vir uitnemendendheid in die musiekbedryf. Op die jaarlikse toekenningsaand tree vooraanstaande musikante op. Dit is die musiekbedryf se weergawe van ander pryse soos die Emmys (televisie), Tonys (teater) en Oscars (rolprentbedryf).

Die 1ste jaarlikse Grammy-toekenningsaand het plaasgevind op 4 Mei 1959 en pryse is toegeken vir uitnemende werk in 1958. Sedert 2012 is die kategorieë aangepas. Die 61ste Grammy-toekenningsaand is op 10 Februarie 2019 in die Staples Center in Los Angeles, Kalifornië, gehou.

Geskiedenis[wysig | wysig bron]

Wenners van 2017/'18. Van bo is Bruno Mars, Alessia Cara, Ed Sheeran en Leonard Cohen

Die Grammys het in die 1950's hul oorsprong in die Hollywood Walk of Fame-projek gehad.[1][2] Terwyl musiekbeamptes wat vir die Walk of Fame-komitee gekies is, ’n lys saamgestel het van belangrike musikante wat vir ’n ster kwalifiseer, het hulle besef daar is baie leiers in die bedryf wat nooit ’n ster sal kry nie. Hulle het besluit om ’n musiekprys soortgelyk aan die Oscars en Emmys te skep. Dit was die begin van die National Academy of Recording Arts and Sciences.

Nadat die besluit geneem is, moes ’n naam gekies word. Een voorstel was "Eddie", ter ere van die uitvinder van die fonograaf, Thomas Edison. Hulle het eindelik besluit op ’n naam ter ere van Emile Berliner, die uitvinder van die grammofoon, vir die prys vir 1958.[3][4][5]

Die eerste toekenningsaand is op 4 Mei 1959 tegelyk op twee verskillende plekke gehou – die Beverly Hilton Hotel in Beverly Hills, Kalifornië, en die Park Sheraton Hotel in die stad New York.[6] Altesaam 28 Grammys is toegeken. Die getal pryse het oor die jare gewissel en toegeneem namate kategorieë bygevoeg en verwyder is – daar was in ’n stadium meer as 100.[7] Die tweede toekenningsaand, wat ook in 1959 gehou is, is die eerste seremonie wat op televisie uitgesaai is,[8] maar dit is in 1971 die eerste keer regstreeks uitgesaai.[9]

Die trofee[wysig | wysig bron]

Die vergulde trofees, wat ’n goue grammofoon uitbeeld, word met die hand deur Billings Artworks in Colorado gemaak. Die oorspronklike beeldjie is in 1990 herontwerp en die tradisionele sagte lood is met ’n harder allooi vervang wat nie so maklik beskadig raak nie.[10] Billings het ’n sinkallooi, grammium, ontwerp wat as ’n handelsmerk geregistreer is.[11]

Die trofee, met die ontvanger se naam daarop, is eers ná die seremonie beskikbaar; vir die oorhandiging word elke jaar dieselfde replikas gebruik.[12][13]

Verwysings[wysig | wysig bron]

  1. "Hollywood Walk of Fame History". Los Angeles Times. Geargiveer vanaf die oorspronklike op Junie 10, 2011. Besoek op Mei 21, 2011.
  2. "Hollywood Walk of Fame History" (in Engels). Hollywood Walk of Fame. Geargiveer vanaf die oorspronklike op 27 Oktober 2019. Besoek op 21 Mei 2011.
  3. Thomas, Bob (8 April 1959). "Record Academy Plans TV Spectacular of Its Own". Ocala Star-Banner. Besoek op 29 Januarie 2011.
  4. "Recording Stars Plan Eddie To Join Oscar And Emmy". The Deseret News. 9 Augustus 1957. Besoek op 2 Februarie 2011.
  5. "Bronze Stars Begot Grammy". The Robesonian. 22 Februarie 1976. Besoek op 2 Mei 2011.
  6. "Grammy Awards 1959 (May)". Grammy (in Engels). Geargiveer vanaf die oorspronklike op 8 September 2019. Besoek op 5 Januarie 2019.
  7. "Grammys history and winners through the years". Los Angeles Times (in Engels). 28 Januarie 2015. Geargiveer vanaf die oorspronklike op 22 September 2019. Besoek op 5 Januarie 2019.
  8. "Grammy Awards 1959". Grammy (in Engels). Geargiveer vanaf die oorspronklike op 20 September 2019. Besoek op 5 Januarie 2019.
  9. "Grammy Awards 1971". Grammy (in Engels). Geargiveer vanaf die oorspronklike op 28 Oktober 2019. Besoek op 5 Januarie 2019.
  10. "Making the Grammy" (in Engels). Billingsartworks.com. 2006. Geargiveer vanaf die oorspronklike op 23 April 2010. Besoek op 28 Augustus 2010.
  11. Williams, Nick (13 Februarie 2016). "And the Grammy Comes From...". Billboard. 128 (4): 56–57.
  12. "About Billings Artworks" (in Engels). Billingsartworks.com. 2006. Geargiveer vanaf die oorspronklike op 23 April 2010. Besoek op 28 Augustus 2010.
  13. Best, Tamara. "How the Grammy Awards Are Made: 4 Craftsmen and 'Grammium'". New York Times (in Engels). Geargiveer vanaf die oorspronklike op 9 Oktober 2019. Besoek op 8 Februarie 2017.

Eksterne skakels[wysig | wysig bron]