Green Pointvuurtoring, Clansthal
Die Green Pointvuurtoring, Clansthal, is 'n aktiewe 21 m (69 voet) hoë gietystertoring met 'n lantern en galery, geverf met rooi en wit horisontale strepe, en gebruik 'n Fresnel lens. Die vuurtoring met 'n fokale vlak van 85 m (279 voet) en is in 1905 in gebruik geneem. Dit lewer twee wit flitse elke 15 sekondes, met 'n vaste rooi lig wat skyn oor die Aliwal-bank in 'n oostelike en suid-oostelike rigting.[1]
Die Aliwal-bank is een van die mees berugte riwwe van die Suid-Afrikaanse kus aan die Indiese Oseaan. In 1892 is twee gietyster vuurtorings in hierdie omgewing geïnstalleer, die een was in Scottburgh en die ander aan die noordekant van die Mahlongwana-rivier net suid van Umkomaas. Hierdie torings was onvoldoende, en daar is besluit om die Green Pointvuurtoring, 'n hoër vuurtoring, op 'n plek tussen die twee ouer torings te bou. Die Scottburghvuurtoring was verskuif na Port Shepstone en die Mahlongwanavuurtoring was by Kaap St. Lucia geïnstalleer.[1]
Die Green Pointvuurtoring is geleë teen die R102 kus-hoofweg naby Clansthal, KwaZulu-Natal 'n klein nedersetting tussen Scottburgh en Umkomaas, sowat 60 km (37,5 myl) suid-wes van Durban.[1]
Senior opsigters (ligwagters) [wysig]
| Vanaf | Tot | Jare | Naam |
|---|---|---|---|
| 1905 | ~1918 | ~13 | C G Johnson |
| 1918-10 | E D Bayes | ||
| 1921-03-31 | J R Clingen | ||
| 1926-03-31 | 1929-03-31 | 3 | D Hurley |
| 1930-03-31 | 1939-07-05 | 9 | C H Cornish |
| 1941-03-31 | 1948-09-20 | 7 | T McInerney |
| 1948-09-15 | 1952-10-26 | 4 | E L Andreason |
| 1953 | 1956 | ~3 | J C Addison |
| 1956-01-06 | 1956-12-05 | 0 | H H Hews |
| 1957-01-12 | 1960-01-18 | 3 | W A Hews |
| 1960-01-18 | 1963-02 | 3 | F C Miller |
| 1961-11-28 | Omgeskakel na outomatiese beheer |
Sien ook [wysig]
Verwysings [wysig]
- ↑ 1,0 1,1 1,2 Lighthouses of Eastern South Africa, besoek 18 Junie 2012
- ↑ Williams, Harold A. (1993). Southern lights: lighthouses of Southern Africa. Rivonia: William Waterman publications. ISBN 0-9583751-1-9.
 |
|
|---|---|
| Atlantiese Kus en Valsbaai: |
Dasseneiland • Doringbaai • Groenpunt • Groenriviermond • Hondeklipbaai • Kaap Columbine • Kaappunt (Diaspunt) • Kaappunt (Kaap Maclear) • Kaapstadhawebreekwater • Kaap St. Martin • Milnerton • Mouillepunt • North Head, Saldanhabaai • Port Nolloth • Robbeneiland • Roman Rock • Simonstad-skeepswerf • Slangkop • South Head, Saldanhabaai • Stompneuspunt |
| Kaapse Suidkus: |
Cape Seal • Danger Point • Hangklip • Kaap Agulhas • Kaap Infanta • Kaap Sint Blaize • Quoin Point • Ystervarkpunt |
| Oos-Kaap: |
Castle Point • Dealvuurtoring • Donkin Hill • Groot-Vispunt • Hood Point • Kaap Hermes • Kaap Morgan • Kaap Recife • M’bashe Point • Seal Point • South Sand Bluff • Voëleiland |
| KwaZulu-Natal: |
Anglo-American Gebou • Cooper • Durnford Point • Green Point (Clansthal) • Ifafastrand • Jesser Point • Kaap St. Lucia • Kaap Vidal • North Sand Bluff • Ou Bluff • Port Shepstone • Richardsbaai Noord-Breekwater • Richardsbaai • Umhlanga Rocks |
