KwaZulu-Natal

vanuit Wikipedia, die vrye ensiklopedie.

KwaZulu-Natal

Die wapen van KwaZulu-Natal
Oppervlak	92 100 vk km
Bevolking	10 014 500
Bevolkingsdigtheid	109 / vk km
Tale	Zoeloe (80,6%) Engels (13,6%) Xhosa (2,3%) Afrikaans (1,5%)
Etniese verdeling	Swart (85,3%) Asiër (8,5%) Blank (4,7%) Kleurling (1,5%)
Hoofstad	Pietermaritzburg
Premier	Zweli Mkhize (ANC)

KwaZulu-Natal (ook: KwaZoeloe-Natal) is een van die nege provinsies van Suid-Afrika. Die hoofstad is Pietermaritzburg. Totstandkoming: KwaZoeloe-Natal het in 1994 tot stand gekom met die samevoeging van Natal, een van die ou Suid-Afrika se vier provinsies, en die voormalige "Zoeloe-tuisland" KwaZoeloe.

KwaZoeloe-Natal het twee hoofstede - Natal se ou hoofstad, Pietermaritzburg (die provinsie se naasgrootste stad) en Ulundi, die ou administratiewe hoofstad van KwaZoeloe. In 1995 het 'n kommissie van ondersoek aanbeveel dat die provinsiale regering voorlopig om die beurt in Pietermaritzburg en Ulundi vergader.

Durban is KwaZoeloe-Natal se grootste stad. Ander belangrike plekke is onder meer Richardsbaai, Dundee, Ladysmith, Newcastle ('n staal- en steenkoolsentrum), Port Shepstone, Estcourt en Vryheid.

Inhoud 1 Demografie 2 Geografie 2.1 Ligging en topografie 3 Ekonomie 4 Bronne

[wysig] Demografie

Bevolking (2001-sensus): 9 426 017. KwaZoeloe-Natal het meer mense as enige ander Suid-Afrikaanse provinsie. Die meeste inwoners is Zoeloes, maar die provinsie huisves ook die grootste deel van die land se Asiatiese bevolking.

Tale: Zoeloe (80,9%), gevolg deur Engels (13,6%). 1.5% van die bevolking praat afrikaans (meeste van hulle is wit en bruinmense). Swart mense maak op 85.3% van die bevolking, gevolg deur Asiatiese (8.5%), Wit mense/Blankes (4.7%) en 1.5% is bruinmense.

• - Swart 85.3%
• - Asiatiese 8.5%
• - Wit 4.7%
• - Bruinmense 1.5%

[wysig] Geografie

Oppervlakte: Sowat 92 100 km².

[wysig] Ligging en topografie

KwaZoeloe-Natal lê aan die oostekant van Suid-Afrika aan die Indiese Oseaan. Aan die suidekant lê die Oos-Kaap, wes lê Lesotho en die Vrystaat, terwyl die provinsie Mpumalanga en die lande Mosambiek en Swaziland aan die noordekant geleë is. KwaZoeloe-Natal word vanweë sy natuurskoon die "Tuinprovinsie" genoem. Daar is 'n subtropiese kusgebied ('n laaggeleë streek langs die Indiese Oseaan), met uitgestrekte vlaktes in die middel van die provinsie. Die majestueuse Drakensbergreeks troon in die weste en die Lebomboberge in die verre noorde.

[wysig] Ekonomie

Durban is Suid-Afrika se besigste hawe; die hawe van Richardsbaai sorg weer veral vir die uitvoer van steenkool. Die vervaardigingsbedryf, asook toerisme is vername bronne van inkomste vir die provinsie. Daar is dosyne strande, manjifieke gholfbane, plekke om te stap en te klim, natuurtuine. Die vernaamste gewas is suikerriet wat, soos piesangs, koejawels, mango's en papawers, in die kusgebiede gekweek word. In die binneland word weer met groente en vee geboer. Bosbou word ook beoefen. In die noorde is daar steenkoolmyne in die omgewing van Vryheid, Dundee, Glencoe en Newcastle.

[wysig] Bronne

• 
  http://www.mieliestronk.com/provinsies.html by Die Mieliestronk - Met toestemming gebruik

	Provinsie van KwaZulu-Natal
Provinsiale Hoofstad:	Pietermaritzburg
Hoof Metro's:	eThekwini (sluit Durban in)
Distrik Munisipaliteite:	Amajuba | iLembe | Sisonke Ugu | Umgungundlovu | Umkhanyakude | Umzinyathi | Uthukela | uThungulu | Zululand |
Plaaslike Munisipaliteit:
Groot Dorpe:	Empangeni | Kokstad | Ladysmith | Newcastle | Port Shepstone | Richardsbaai | Stanger | Tongaat | Vryheid

Provinsies van Suid-Afrika
Gauteng | KwaZulu-Natal | Limpopo | Mpumalanga | Noord-Kaap | Noordwes | Oos-Kaap | Vrystaat | Wes-Kaap