Hastings

in Wikipedia, die vrye ensiklopedie
Spring na: navigasie, soek
Hastings
Die binnestad van Hastings
Die binnestad van Hastings
Wapen van Hastings
Wapen
Ligging van Hastings op 'n kaart (Engeland)
Hastings
Hastings
Koördinate: 50°51′00″N 0°34′00″O Koördinate: 50°51′00″N 0°34′00″O
Land Vlag van Verenigde Koninkryk Verenigde Koninkryk
Land Engeland
Graafskap Oos-Sussex
Oppervlak
 - Stad  11,47 vk m (29,72 km²)
Bevolking (2001)
 - Stad 86 900
 - Digtheid 7 570/myl2 (2 924/km²)
Tydsone MGT (UTC+00:00)
 - Somer (DST) BST (UTC+01:00)
Poskode TN34-35, TN36-37
Skakelkode(s) 01424
Webwerf: hastings.gov.uk

Hastings is 'n stad in die graafskap East Sussex (Suidoos-Engeland) met sowat 84 000 inwoners (2000) en die toneel van die beroemde slag van 1066. Willem die Veroweraar en sy berede Normandiese strydmag behaal die oorwinning teen die Angelsaksiese krygers wat te voet moet veg. Die slag van Hastings is die beginpunt van die Normandiese verowering van Engeland.

Geskiedenis[wysig]

Die hawehoof van Hastings

Die eerste menslike nedersettings ontstaan vermoedelik reeds in die prehistoriese tydperk. Sedert die vroeë middeleeue ontwikkel Hastings tot 'n besige hawestad, wat in die 11de eeu met vier ander hawens (New Romney, Hythe, Dover en Sandwich) die bond van die Cinque Ports ("Vyf Hawens") sluit.

Op 28 September 1066 sit die Normandiese hertog Willem die Veroweraar met sy leër naby Hastings voet aan wal en verslaan op 14 Oktober Harald II Godwinson, die laaste Angel-Saksiese koning van Engeland. Hierdie oorwinning staan aan die beginpunt van die Normandiese heerskappy in Engeland.

In 1377 is Hastings deur Franse troepe geplunder en aan die brand gesteek, 'n ingrypende gebeurtenis wat tot die ekonomiese agteruitgang van Hastings sou lei. Eers tydens die 18de eeu het Hastings 'n nuwe ekonomiese opbloei as 'n gewilde vakansiebestemming beleef.

Vandag staan Hastings naas sy belangrike rol as Engelse toeristebestemming ook as onderwyssentrum bekend, wat onder meer Engelse taalkursuse vir buitelandse studente aanbied.