Irkoetsk

Vir ’n artikel oor die oblast met dieselfde naam, sien Irkoetsk-oblast.

Irkoetsk Иркутск
Die Kazanski-kerk in Irkoetsk.
Vlag Wapen
Die ligging van Irkoetsk-oblast in Rusland
Irkoetsk Die ligging van Irkoetsk-oblast in Rusland
Koördinate: 52°18′44″N 104°17′45″O
Land	Rusland
Deelgebied	Irkoetsk-oblast
Stigting	1661
Stadstatus	1686
Regering
- Tipe	Stad-okroeg
- Burgemeester	Wiktor Kondraschow
Oppervlak
- Stad	324 km²  (125,1 vk m)
Hoogte	444 m (1 457 vt)
Bevolking (2010)
- Stad	587 225
- Digtheid	1 812/km² (4 693,1/myl2)
Tydsone	IRKT (UTC+09:00)
Poskode	6640xx
Skakelkode(s)	7 3952
Webwerf: irkutsk.ru

Irkoetsk (Russies: Иркутск) is een van die grootste stede in Siberië en die hoofstad van die Irkoetsk-oblast. Dit is 5 185 km per spoorlyn van Moskou en het ’n bevolking van 587 225 (2010-sensus).

Geskiedenis

Irkoetsk vanuit die ruimte gesien.

Irkoetsk het gegroei uit die winterkwartiere wat in 1652 deur Jakof Pochabof gestig is vir goudhandel en die insameling van belasting in die vorm van pelse (jasak) van die Boerjate.

Dit het in 1686 amptelike stadstatus van die Russiese regering gekry. Die eerste pad tussen Irkoetsk en Moskou, die Siberiese Pad (Сибирский Тракт; Sibirski Trakt), is in 1760 gebou. Die stad se ekonomie het baatgevind by dié pad en talle produkte wat voorheen van Sjina ingevoer is, was vir die eerste keer vrylik beskikbaar, soos goud, diamante, pelse, hout, sy en tee.

In die 19de eeu is talle Russiese kunstenaars, offisiere en adellikes na Siberië verban en Irkoetsk het ’n groot sentrum geword vir die sosiale en intellektuele lewe van die bannelinge. ’n Groot deel van die stad se kulturele erfenis is van hulle afkomstig. Baie van die houthuise, wat met die hand versier is, vorm ’n skerp kontras met die standaard-Sowjet-woonstelblokke daar naby.

Eksterne skakels

• Flickr-foto's
• Ou en moderne foto's
• Reis na Irkoetsk
• Argitektuur in Irkoetsk
• Amptelike webtuiste (en)

• Wikimedia Commons het meer media verwant aan: Irkoetsk

• Hierdie artikel is vertaal uit die Engelse Wikipedia