Jagter se Belt
Die Jagter se Belt, Gordel van Orion of Drie Konings is ’n patroon in die sterrebeeld Jagter. Dit bestaan uit drie helder sterre: Alnitak, Alnilam en Mintaka. Deur na die drie sterre aan die naghemel te soek, is die maklikste manier om die Jagter te vind.
[wysig] Die sterre
- Alnitak is sowat 736 ligjare van die Aarde af. As ’n mens ultraviolet-straling, wat nie met die blote oog gesien kan word nie, in ag neem, is die ster 100 000 so helder soos die son.[1]
- Alnilam is sowat 1 340 ligjare ver en het ’n helderheid van 1,7 mag. As ultraviolet-straling in ag geneem word, is dit 375 000 keer so helder soos die son.[2]
- Mintaka is ’n dubbelster. Die twee komponente wentel elke 5,73 dae om mekaar.[3] Die sterre is 915 ligjare van die Aarde af en met ’n helderheid van 2,21 mag is dit 90 000 keer so helder soos die son.
[wysig] Name
Daar is verskeie name vir die drie sterre. In Spanje, Portugal en Brasilië staan hulle ook bekend as die "Drie Marias". In Suid-Afrika,[4] die Filippyne en Puerto Rico word hulle dikwels die "Drie Konings" of soms die "Drie Susters" genoem.[5]
Richard Hinckley Allen, die skrywer van Star Names: Their Lore and Meaning, noem talle ander name vir die sterrepatroon, soos: Jakobstaf, die Goue Ra-nok, die El, die Drie Wyse Manne of bloot die Drie Sterre.[6]
[wysig] Verwysings
- ↑ http://stars.astro.illinois.edu/sow/alnitak.html
- ↑ “Alnilam”. Jim Kaler's Stars. University of Illinois: 2009. URL besoek op 2011-11-28.
- ↑ “Mintaka”. Jim Kaler's Stars. University of Illinois: 2009. URL besoek op 2011-11-28.
- ↑ Three Kings and the Cape Clouds at psychohistorian.org
- ↑ http://sepiensa.org.mx/contenidos/s_reyes/reyes.htm
- ↑ Allen, Richard Hinkley. “Star Names — Their Lore and Meaning”.
Hierdie artikel is vertaal uit die Engelse Wikipedia
